التخطي إلى المحتوى
اغلق مصطفى الباب ودخل مع طارق غرفته، اخرج له طارق قميص وبنطال قائلا : خد البس دول هيريحوك فى النوم .

مصطفى : ماشى يا سيدى مع انى متعود انام كده من ساعت ما جينا هنا .

اخذهم ودخل الحمام غير ملابسه وعاد، كان طارق قد غير ملابسه هو الاخر ويجلس على طرف السرير اشار له قائلا : هاه تحب تنام على انه جنب .

ضحك مصطفى : مش هتفرق المهم انام حاسس ان جسمى وجعنى من التعب، بس مش عارف هعرف انام فعلا ولا لاء .

طارق : خد دش دافى هيريحك وتعرف تنام .

تنهد مصطفى : مش جسمى اللى تاعبنى بس حاسس بوجع جوايا كل ما افتكر ان ده حصل لهيام وانا مش معها، وافكر ازى هيبقا الحال بعد ما اسبها واشتغل فى شركه ومبقتاش معها ديما .

طارق : بصراحه يا صاحبى انا عايز اقولك كده من الاول الافضل انك تبقى معها .

مصطفى : وده اللى انا قررته هيام عمرها ما حسستنى انى بشتغل عندها، بالعكس هى بتعاملنى على انى صاحب الشغل زى زيها، بس يمكن لان ده طبعها مع الكل مكنتش شايف ان ده ميزه، بس فعلا هى كتير قوى عرضت عليا تعملى تأمين وعقد بس انا اللى كنت برفض، بس بعد اللى حصل خلاص قررت هفضل معها مش هسبها تانى .

طارق : تعرف انا كمان بعد عقدى فى الشركه ما يخلص هعمل نفس الشيئ، وكمان نرجع مصر ونعمل نفس المطعم هناك ونشغله .

مصطفى : او ممكن تخلوه فرع للى هنا وده هيخليه يكبر بسرعه .

ابتسم طارق : شاطر دماغك حلوه نبقا ندخلك معنا شريك .

ضحك مصطفى : تصدق فكره حلوه يالا ياعم وانا هحن عليكم ووافق .

ضحك طارق : تحن علينا ماشى يا سيدى يالا نام عشان ترتاح واعتقد كده القلق اللى فى دماغاك كمان هدى .

هز مصطفى رأسه بالموافقه واستلقى على السرير، اغمض عينه وبدأت الافكار تلاحقه فكلما تذكر ان رجل غريب حمل اخته يشعر بالغضب من نفسه، فهو من تسبب فى ذلك بتركه لها وحدها، وعاهد نفسه الا يتركها مره اخرى، استلقى طارق الى جواره ورغم انه مرهق من العمل الا انه استغرق وقت حتى غفى بسبب تفكيره فى حنان وقلقه عليها، فى الفجر استيقظ الاثنان وخرجا معا لصلاة الفجر فى المسجد، رأهم كيم الذى كان يجلس بالسياره من الليله السابقه، تعجب من خروجهم فى وقت مبكر هكذا، نزل من سيارته وسار خلفهم ليعرف اين هم ذاهبان

قد يهمك أيضاً :-

  1. تمينة خليل بإطلالة ساحرة تؤكد أنوثتها وتلمس القلوب _ حواء
  2. تخاطر نورا أودونيل بفقدان موقعها الأساسي في أخبار المساء لقناة CBS _ حواء
  3. نصائح لاختيار الجينز بناءً على شكل جسمك وليس دائمًا اتباع الموضة _ حواء
  4. 1.5 مليون دولار للوحات معرض للفنان الفنلندي دك خليفة بانكسي _ حواء
  5. 10 أكياس من ماركات الأزياء العالمية التي تتحدى الصيحات ... تأسست للأزياء المستدامة - اليوم ... _ حواء
  6. تردد قناة بي إن سبورت الجديد 2021 .. حدث الان | شعب مصر
  7. سحر التأثير الفظيع للفازلين وكريم القهوة لتبييض وتفتيح البشرة وشد التجاعيد سيجعلك ... _ حواء

التعليقات

اترك رد