التخطي إلى المحتوى

رواية احببت ابن عمي البارت الرابع 4 بقلم ملك احمد

طلعت أجرى منه وطلعت شقتى

أميرة:ايه يا حجوج ينفع أسأل عليك الصبح يقولولي نزلت من غير ما تصبح عليا

محمد:يابت يا بكاشة …….معلش يا ستى كنت مستعجل

محمد:ايه البوكس

أميرة:ها …….دى ميادة جبتهولى

محمد:ماشى

أميرة:ماما انا جعانة اوى انتى قربتى تخلصى

منى:حتى لو خلصت هاتروحى تاكلى مانتى صايمة

أميرة:ماشى انا هاخش انام ومحدش يصحينى غير على أذان المغرب

منى: ماشى

دخلت اوضتى وانا فرحانه اوي ومش مصدقه نفسي شغلت اغنيه لعمرو دياب واقعدت أرقص وأغنى

أميرة:وياه الحياة حتحلى وانا ابقى معاه🌸

هو ده اللي انا بتمناه واللى عينى شيفاه احساس💜

انو احلى واغلى الناس خلى قلبى يقولى خلاص❤️

وبعدين لقيت نعمة بتقولى.

نعمة:الجميل بتاعنا مالو

(ملحوظة بس نعمة وميادة يعرفوا موضوع سيف)

أميرة بفرحة:بيحب

نعمة: قديمة عرفينها…….احكيلى حصل ايه

أميرة: ها قولك………… وحكت لها على  عن حاجه

أميرة:انا فرحانة فرحانة اوى أنه مهتم بيا وبزعلى 

نعمة: على فكره عادي يعني مفيهاش حاجه تفرح 

أميرة:يا ساتر يا رب ماينفعش تسيبنى افرح ٥ دقائق على بعض…….بت اطلعى برة مش ناقصه هى

نعمة:ماشى انا غلطانة انى جيت انكد عليكى شوية.   ……. انتى اخت انتى

أميرة:برررررة

(نعرفكوا بقى نعمة اختشى ٢٤ سنةفى كلية الطب طويلة بشرتها بيضة وعيونها عسلى وشعرها بنى وقصير….. ميادة صحبتشى ١٩ سنة فى كلية الهندسة زى بشرتها سمرة وعيونها بنى زى لون القهوة ومحجبة),

_____________________________________

بليل

نزلت عند عمى وخبطت على الباب وسيف فتحلى

سيف:لا حول ولا قوه الا بالله يارب يابت انتى انتى كل شوية نطلنا هنا ليه عجباكى الشقة تاخديها

أميرة:وانت مالك انت بيت عمى واجى وقت مانا عايزة……..يا ابو حميد يابوحميد

لقيت سيف مسكنى من قفاية

سيف:خدى يابت هنا ابو حميد مين

أميرة:عمى……..يا ابو حميد روحت فين

سيف:أبويا انا ابو حميد….عارفة لو امى سمعتك كانت علقتك مطرحك

احمد ابو سيف: أهلاً أهلاً بالامورة بتاعتنا

أميرة: وحشتنى يا بو حميد

سيف:يابت اسكتى امى واقفة

أميرة:قصدك نونة…..دى نونة دى عسل

سيف بصدمة:نونة. امى انا بقت نونة

أميرة:دول زى القمر مش عارفه جبتوه ازاى ده ده نكدى ودمه سم

سيف:بت انتى اتلمى وقولى يا مسى

نهى:على رأيك يا اميرة

سيف:ايه ده انتى معاها

أميرة:احسن محدش طايقك

سيف اتغاظ جداً جاب ازازة مية وكبها في وشها

أميرة بغيظ:انت قد الحركة دى

سيف:اه

أميرة:ماشى

اسكت انا لأ طبعاً مسكت أيده وعضته بكل غل

سيف:ااااااه يبت العضاضة ايدى 

أميرة:احسن تستاهل

عمى ومرات عمى اصلاً فطسنين ضحك

لقيته قام وسابنا ومشى

أميرة:هو زعل ولا ايه

احمد:شكله كدة اصل بصراحه زودتيها معاه

أميرة:انا مش قصدى انا بحب انكشه عادى

نهى:طب روحى صالحيه

أميرة:طيب 

روحت لقيته قاعد فى البلكونة

أميرة:احم احم

سيف:……..

أميرة:هو انت ليه قمت وسبتنا

سيف:………

أميرة:طب هو انت زعلان مني

سيف:……….

أميرة:طب أنا آسفة

سيف:بتعتذرى ليه

أميرة:على اللى انا عملته………انا عادى بحب انكشك

سيف:خلاص مش زعلان 

أميرة:قشطة….تصدق الجو تحفة فى البلكونة

سيف:اه

أميرة:اعاااااااا

سيف:فى ايه يا هبلة

أميرة: صرصار اعاااااااا

سيف:فين ده اعاااااااا احيه ….انزلى موتيه بسرعة

أميرة:نعم يا خويا طب انا بنت وعادى اخاف منه إنما انت بقى ايه نظامك

سيف:هو ده وقت شرشحة يا باباااا يا مامااااااا

احمد:ايه فى ايه مالكو

سيف:فى صرصار موتوا بسرعة

احمد:ايه اعاااااااا

وطلع معاهم على الكرسى

نهى بصدمة:يا خيبتكوا

احمد:مش وقتو موتى يلا

نهى: حاضر

نهى:خلاص موتو انزلوا يا مواكيس.

أميرة:يا جبان

سيف:ونبى اسكتى انتى كنتى بتموت فوق

أميرة:أيوة انا بنت 

سيف:وانتى مصدقة نفسك

أميرة:شوفت مين اللى ابتدا انا عشان متربية ومؤدبة مش هارد

سيف:قصدك ايه قصدك أن انا مش متربي

أميرة:شوف انت بقى

قد يهمك أيضاً :-

  1. تردد قناة بي إن سبورت الجديد 2021 .. حدث الان | شعب مصر
  2. أحدث تردد قناة طيور الجنة 2021 الجديد على النايل سات
  3. هدف محمد صلاح في مانشستر يونايتد الآن هو الرابط بين مباراة ليفربول اليوم ضد مانشستر يونايتد بتعليق من حفيظ الدراجي في الدوري الإنجليزي بجودة HD - كورة في العارضة
  4. تردد قناة روتانا سينما الجديد 2021 HD على نايل سات - الكورة بالعارضة
  5. تردد قناة بانوراما فود 2021
  6. تبث "El Clásico free" الآن جميع القنوات المجانية والمفتوحة المجانية ، اليوم الأحد 24.10.-2021. وبثوا مباراة برشلونة - ريال مدريد - الكورة في العارضة
  7. تردد القنوات الناقلة لمباراة اليوم بين ليفربول ومانشستر يونايتد

التعليقات

اترك رد