التخطي إلى المحتوى

🦋☆البارت الحادي عشر☆🦋

اني تخبلت … لزمت راسي بايديناتي و غمضت عيني ردت يرجع الوكت بيه ٣ ايام جان ما سويت السويته … يارب لا تخليني اضوك مرار الفقدان مرة ثانية … يا الهي لا تخليني اعيش الهجر … يا ربي عافيها …
كتله دكتور شنو الحل … كلي بحالتها ماكو اي علاج او دوة هي عايشة بس ميتة سريرياً يعني بس النفس … بحالتها هاي اذا تتكرر الغيبوبة اكثر من مرتين و تعدي بالثالثة نسبة نجاتها و صحوتها من الغيبوبة ضئيلة جداً … فبقت يم الله … الله يرأف بحالها …
هو يحجي واني نار جواية كتله واني نار كبرة صاير .. لازم اكو حل يعني كولي اخذوها و دفنوها …
ابني انت ليش تتجاوز .. كلي احجي وياك علمياً و من موقعي كطبيب شتريد لعد … والله يا الله يقتل القتيل و يمشي بجنازته … و هز بايده و جان يكولي اتفضل اطلع خلصت حجي وياك …
باوعتله و ايدي حضرتها دا انطي بوكس لهالفاشل … يريدني اعوفها بهالحال …
كتله رح اطلع بس ترة ماكو طبيب بموقعك يا طبيب يكول هالحجي… ماكو حالة و ما الها حل … لو معلموكم …
جان يعيط و يكلي اطلع بررررة … ترة والله حتى مريضتكم اشمرها برة … كتله خوش طبيب مال تنك 😤
عفته و طلعت مردت اطولها اني لو عليه ادفنه بالكاع و افضها … بس نور مردته يطلعها من المستشفى لان اعرف هيچ شكول جبناء يلزمون من نقاط الضعف.. +

رحت كعدت بالممر وساند ايدي على ركبي و حابس راسي بايدي افكر شسوي … شلوووون .. الالم كام يدك بيه و كليتي كل دقيقة تمغصني بس اني تاركها …
جتني فكرة ابحث عن مرضها بالنت و اشوف شنو حلوله .. اصبحنا ببلد نجيب مرضانا للمستشفى واحنه نداويهم …😏 طلعت تليفون و كتبت المرض … و نزلت اشكال المواضيع طبيت على واحد و جان كاتب مقال طويل و بالاخير كاتبين كيف يفيق مريض غيبوبة الصدمة …؟ دست عليه و لكيت الجواب انه لازم نتواصل وياه و حتى لو هو غايب عن الوعي فهو يسمعنا اكييد لازم نخبره اشياء سارة و نسولفله احداث حلوة و نبعد عنه الافكار الي خلته ينصدم …
اني هم مكذبت خبر .. طبيت و شفتها نايمة بالسرير لا حول ولا قوة … بس نفسها يصعد و ينزل و وجهها شاااحب …جريت الكرسي و كعدت يمها حضنت ايدخا بچفوفي و بسته بحرارة … و كمت اسولفلها و اضحك وياها و حتى اتغزل بيها … و كانما مو غايبة عن الوعي …
ظليت ع هالوضع اسبوع يومية اكعد اسولف يمها بس بساعات الوجبات اروح اكل و اغسل و ارجع … و احط عطر نفسه الي جنت حاطه بالمهر لان هي مرة كلتلي جنت احضن سترتك و انام … فاكيد العطر اتعلمت عليه … فكمت اتعطر و اطب ( الي يشوفني معطر و كاشخ يكول هذا بلا هم نياله ..ميدرون اني اموت يومية الف موتة ) +

الحل الي لكيته ع النت هو مو حل واقعي بس شسوي مكصكصة جناحيني هذا اضعف الايمان …
احضنها كل شوية و احسسها بوجودي بلكي شوقها ياخذها و الحنين لاحضاني يخليها تستعيد وعيها ….
المهم … خلال هالاسبوع تعبت هواية اهلها ما اقبل يجون هواية … لان تعابة همه هم … بس امها متقبل الا تجي حتى نغسللها … و نبدل هدومها اني وياها …
اخر يوم من الاسبوع جنت تعبان كولش و دواية هامله بحيث جيت للمستشفى اعرج … صفحتي توجعني كووولش و الدوخة زادت … جيت طبيت الغرفة كعدت و بديت اسولفلها … بس اني تعبان كووولش و حتى حچايتي مقطعة احجي و اسكت يعصرني الالم يروح و اكمل … نصيت عليها و بستها من شفايفها و طولت ببوستي كتلها هاي ثاني مرة اضوك كرز شفايفچ … اني اتالم و هامل الالم .. حبيبتي نورة منتظر كومتج على احر من الجم.. ر كلت اخر كلمة و جان اعلن الاستسلام و كعت بالكاع و الالم زااااد انطويت على نفسي و كاتم صرختي ما اريد يوصلها شي مو حلو مني اختنكت و زاد نبضي و قل تنفسي اريد هوا ماكووووو ….انذكرت واني دا اخوض معركتي الي تيقنت الاخيرة وية الالم انه امها كاعدة برة بالممر…جريت الكرسي بحركة متت ياله وصلتله و وكعته … و بعدها انحبس نفسي و رجف جسمي و …………… …..
+

نور ….
حسيت بعطش قاااتل تململت براسي ادور اني وين … اشو هاي مو غرفتي شلت راسي و جان احس بدوخة فظيعة … لزمت جبيني … و جان افرك بي … اني ووين … درت راسي يسرة و جان الكة امي نايمة على كرسي خطية منظرها يكسر الكلب … زين هاي احنه بمستشفى ؟ شجابني لهنا … رجعت ارفع راسي و على كيفي و بهداوة نهضت نفسي صحت بصوت ناصي لان ما عندي قوة … يومة … يومة … امي فزت و جان تبچي كلتلي ها يمة كعدتي …. حمدلله ربي احمدك و اشكرك نزلت امي تسجد و تبجي كتلها يومة ليش اني صارلي شكد نايمة …؟ كلتلي يومة صارلج ١٠ ايام كتلها وصارلي عشرة ايام هنا … لا صارلج اسبوع ينطي عافية يا رب يكومه بالسلامة قيصر جابج و معافج ابدددد … كتلها قيصر ؟؟؟؟؟؟ كالت اي يومة فدوة لعينه جان يكعد هنا و يسولف وياج ولا عبالك انت نايمة … اني سكتت مجاوبتها بس اشم ريحة الغرفة معباية بعطره …كتلها يومة عفية لا تجيبيلي طاريه … الله يخليج … كالت ليش يومة شسوالج هو …؟ كتلها ما سوة شي … كالتلي يومة رح اكولج على سالفة بس اني مكلتها الج ابد …. كتلها شنو يومة شكو …؟ كلتلي يومة ترة قيصر فاقد اخو … كتلها اي يومة ادري وهو …. و سكتت … جان تكمل كالت فقده بالانفجار و وراها دخل حالة نفسية فظيعة … امي تحجي +

واني الوب بداخلي … كتلها اي … 😱كالت فانت عذري يومة … كتلها واني ابجي لييييش مكتولي …. كالت لان كلنه هسة ترفضين … كمت ابجي و هي متعجبة كلتلي شبيج يومة .. كتلها هووو وينه ؟ اشو ماكو … امي نصت جان دكول بالمستشفى …. كتلها هنا؟ … كالت لا ….
كتلها شبي يومه كليتي مووووو ؟ هزت راسها اي و كالت ديدورن على كلة تطابق كليته حتى يزرعوله لان كليته …. و سكتت انداريت عليها واني مثل الطير المذبوح ما ادري مين اجتلي القوة … كتلها كوووولي شبي …؟ كالت كليته وكفت و صارله يومين عايش ع غسيل الكلة … يومة ادعيله بنيتي لان انت كايمه من شده هستوج …
كتلها كووومي … كومي اخذني لهناك … هسة تاخذيني … هذا مو حجي …. كلتلي يومة انت مالج خلك و هو اصلا ما واعي ينطوه بهالمهدئات و همه راجعين ليوره … كتلها ميخالف … اريد اروح كومي وديني …
امي شافتني على شفا حفرة من الانهيار كلتلي كومي ابدلج ونروح …. بدلتلي امي و رحنا اني الدوخة لازمتني بس اتغلبت عليها… خوفي على قيصر جان اقوى و شوكي اله جان اعظم… وصلنا لمركز غسيل الكلى … و صعدنا لطابق الرقود … لكينا امه و ابوه كاعدين و دتبجي امه جيت ركض عليها و جان توكف تشهك و تصيح نورة يمة انت هنا تعالي شوفي قيصر ابني رح يروح من ايدي … انهاريت اني حاضنتها وارجف و ابجي +

كتلها خالة شسويتوا هسة ..؟ واني ابجي دم … كلتلي يومة كلنا حللنا طلع مو مطابق حتى اصدقائه و ولد خالته ماكو … ملكينا … كتلها خالة رح اطب اشوفه و احلل اني هم … كالت اي يمة فوتي …
طبيت و رجلي ترجف مدتشيلني .. روحي تريد تطلع مني و تتبرع بعمرها لعمره مو عاد كلة … انطي عمر من عمري و انطي روحي اذا رادها ..
اتقربت منه و و بهدوء كعدت ع الكرسي اليمه هاي شصاير بي يا ربي … عيونه داير ميدورها جوزي …و شفايفه يابسات و بيض … وجهه اصفر و مطعون بزراك … كمت ابجي و بونة … بس كاتمة انفاسي و حاطة ايدي على حلكي حتى لا ازعزع نومته .. حبيب گلبي نومته تقهر … تعبااان … و مبين الالم متعبه هواية ..
مديت ايدي و مسدت شفته و بهدوء نزلت عليها و شميتها بعمق و بستها … و فجأة فتح عينه هلى كيفه و جان يكولي بصوت مبحوح … نوارتي … انت صحيتي …؟ اني كمت ابجي كتله اي …. و الفضل لله و لزوجي حبيبي …. هو رجعني للحياة .. ابتسم بضعف جان يكولي حتى تعرفين غلاتج عنده … كمت اشهنك بجي … كلي تعاي تعاي مشتاق اشمج … حضنته و جان يكلي حضنيني حيييل نوارتي … دخليني بين ضلوعج نسيني الوجع …
كتله حبيبي شنو بايدي اسوي ..؟ كلي نوارة انسي اني مريض تعاي نسولف … نغني .. نوارتي اني متشبثة بي +

و ميهلني اهده كلي تعاي نامي بصفي … كتله اي حبيبي … نمت بصفه و حضني و حضنته رغم الوجع البي هو مبتسم و يباوعلي كلي سامحتيني ..؟ كتله اني مجنت زعلانه منك … انت روحي و ريتي … وجان يبوسني بوسة طووووويلة و شم ركبتي … كلي نوارة … تذكرين هذيج الليلة الكتلج انسيها و لا تتذكريها …؟ كتله اعذرني عصيتك و مانسيتها و يومية احلم بيها … كلي اني هم ما ناسيها و رح تكون ذكرى بكلبي … كتله و ان شاءالله تكون مو الاخيرة … كلي لا حبي ما اظن … كلي غنيلي الاغنية الي سمعناها بذاك اليوم … وبديت اغنيله واني اشهنك بجي ( ومالو لو تهنا بعيد و سبنا كل الناس انا يا حبيبي حاسس بحب جديد …..) و غمض عينه … كتله قيصر…؟ قيصر ..؟ مجاوب … كمت كتله قيصر قيصر … ماكو متت قهر … طلعت متهسترة اصيح خالة قيصر مااات … قيصررر مات خالة …. امه كامت تعيط و تصرخ و تصيح يبوووو ابو كعد بالكاع يبجي و امي لازمة امه و اني انهاريت طبوا دكاترة اثنين علي بالغرفة و امخلونه نفوت ……………
+

بعد مرور ٥ اشهر …
نور …. اني كاعدة هسة انتظر الزفة تجي و شبعانة بجي …. صح لابسة الثوب الي جنت اتمنى البسه حالي حال البنات و امي و ابويه فرحانين لان تزوجت … بس مو هينة اعوفهم و اعوف البيت الي بي ذكرياتي و طفولتي ..
الخوف ماكلني اكل … و دكات كلبي دتذبحني من السرعة … عاااااا اجوووي …
ام نور …؛ كومي يومه البسج البرگع … اللهم صل على محمد و ال محمد
نور وهي تبجي ..: يومة خايفة …
ام نور ..: لا يومة لا تخافين هسة نعبرج من جوة القران و اقري بالسيارة سورة الفتح و ان شاءالله ربي يفتح كل الخير بوجهج و وجه رجلج
نور ..: يوم ما اريد اروووح …
ام نور ..: عيب يومة شنو هالحجي .. +

و اجة وكت اني احجي عن الابطال اني الكاتبة ديانا ….
طبت الفرقة الموسيقية للطرمة و بعدهم يمشي العريس و اهله و الفرحة تتقافز من عيونه … و امه فرحانه …
و طش چكليت و تهلهل … دخل للصالة الي كعدت بيها العروسة نور الي طالعة اية من الجمال … من التسريحة و لون الشعر الطبيعي الى الفستان الي چان مطلعها اميرة من اميرات قصص دزني +

الى باقة الورد الي جانت ورد طبيعي زنبق … عيونه تقرأ كل فرحات العالم … القدر كان اله غير رسم بحياة بطلنا الشاب الي نفر الحياة بسبب بصمات القدر نفسه … ولما قرر ان ينهي حياته ظهرت اله شمس ثانية تنور الظلام الي يحيط به و تدفي مشاعره الي بردت من زمن بعيد …
باوعلها بشوگ و لهفة ما حمل رجل لامرأة … هذه المرأة الي تحملت كل تعاسته و حولته ببسمته و نظراتها الى سعادة و نعمة ما جان يتخيل انه رح يعيشها … حبها لعفتها و براءتها و نظافة كلبها و نياتها …لان هو بمفهومه الشخصي هو آثم و مذنب و مشوه من الداخل فاراد ان يمحو اثمه بطهارتها و يمحو قبحه ببرائتها و يتجمل بصفاء نياتها …. تقرب الها و هي مدنگة و الحياء يطفو فوق بشرتها لان نظراته جائعة و متلهفة و عطشى الها … تمنى لو الكل ما موجودين و هو وهي وحدهم بدقيقة اللقاء حتى يحملها و يحضنها و يدخلها بقلبه و يقفل عليها و يضمها … رفع البرقع و انحنى باسها من جبينها و استنشق عبير بشرتها الفواح … كلها اميرتي … نوارتي شلونج … كلتله بخير يا بعد كلبي … لبسوها الغطا ع راسها و طلعوها و عبرت من تحت كتاب الله القران الكريم و هي تدعي الله يحفظ زوجها و يديمه الها … بصحة و عافية غير زائلتان … صعدها بالسيارة و هو يمها جان ديسوق … و انطلق و وراه الزفة كلها متجه لشقتهم …
الطريق كله حاضن چفها بچفه و يبوس به …. كلها نوارة … كالت بصوت خافت ..: نعم
كلها يا اغلى نعمة بحياتي … حبيبتي انت اني شما اسويلج ما اوفيج و اوفي وكفتج انت رجعتيني للحياة و انطيتيني اغلى ما عندج انطيتيني قطعة منج … وحتى حياتي القديمة محيتيها من تاريخي … صرت نظيف … برئتيني بطهارتج من ذنب اكل مني روحي … نسيتيني بعفويتج آثامي السودة كلها ….. هو يحجي و هي تبجي … كلتله قيصر … كلها عيونه كلتله اطلب منك طلب … كلها انت تؤمرين قيصر و عشيرته …
كالت اريد اسمع الاغنية مالتنه… كلها واني محظرها نسمعها بالبيت و نركص عليها و اضمج بكلبي … بين ضلوعي …
وصلوا للبيت و نزلوا ركصوا اصدقائه و هوسوله و شالوا و فرحانين بي …
كملوا و مشوا و تركوا عرساننا وحدهم طبوا للشقة …
وكفوا واحد مقابل الثاني عروستني الرهبة ماخذتهة و خايفة و دترجف و ايدها باردة … عريسنا الفرحة ما سايعته و الدنيا بعينه وردي …
رفع عنها الغطا و البرقع و ظل يتمعن بيها و هو مبتسم اعذب ابتسامة … بعينه دمعة حابسهة … كلها رفعي عينج نوارة … رفعت عينها و كالت نعم … كلها شلون بيج و بهالمستحة انت تدرين شسوين بروحي لمن اشوف طيف المستحة بعيونج … هزت راسها لا …
كلها اذوب … اموت … روحي تشوغ .. وجان يشيلها و يفتر بيها … و هي تصيح قيصررر رح نوكع …. قيصر فدوة نزلني ادوخ …
نزلها و انفاسه السريعه اختلطت بانفاسها الخايفة …
قرب راسه من ركبتها و جان يشمها بعمق و اطال الشمة …. كلها افيييييييش ريحة بشرتج تدوخني ….
باس ركبتها و هي مستحية كلتله قيصر … خل انزع البدلة ثولتني 😑 كلها اوك نزعي …
كلتله قيصرررررر 😱 اطلع برة … كلها هذا حلم بعيد المنى ان اتركج ولا لحظة ……
كلتله قيصرر و الله ما اكدر …. كلها زين رح ارأف بحالج و رح اندار وانتِ نزعي ….. كلتله انت تشاقة🙄
كلها ابددد اني ما اتشاقة بهيج امور 😊ياله گلبي غمضيت 🙈 كلتله امري الى الله 😬رح انزع بس اذا انداريت ازعل … كلها لا لا شلون اندار و ازعلج كملي حبيبتي منتظرج🙈 نزعت البدلة و لبست سيت نوم اكثر واحد محتشم طويل للحجل و بي فتحة على طول رجلها لحد افخاذها …. و الصد مكشوف و الظهر ايضاً … كالت قيصررر … كلها ها كملتي كلتله هاي شجايب …؟
كلها شنو اندار وجان يظل صافن لثواني و بسمة على ثغره انرسمت خلتها تستحي و تحط ايدها على صدرها تغطي … تقرب منها و كحضن خصرها كلها ليش تستحين من روحج اكو واحد يستحي من روحه … اني روحج و قطعة منج … كلتله اي انت روحي و حبيبي و انفاسي. هم …. كلها الله كامت تغرد نوارتي … نزع سترته و علك المسجل و طلع اغنيتهم و جذبها اله و حضنها و التصقوا اثنينهم و كانهم روح وحدة بجسد واحد ……………………….
ياله اطلعوا خلوا العرسان وحدهم عيب 😉 +

مع تحيات الكاتبة ديانا +

 

رواية اعذرني اني عشقتك ☆

 البارت الثاني عشر رواية اعذرني اني عشقتك – حواء اضغط هنااااااااااااااااااااااااااااااا

 

 

التعليقات

اترك رد