التخطي إلى المحتوى

   رواية الملتزمة الصغيرة الفصل  الخامس عشر بقلم سمر ابراهيم

نفس مشت مع الضابط محمد اللي كان طيب وكلامة بعفوية ودمه خفيف وضابط سكرة ومش متكبر ولا مغرور 

*وأستغفر الله العظيم ايه اللي أنا بقوله دا سايبيني كدا أعاكس عادي أين الحياء ي قوم* 

نفس:- هو أنت عرفتني اذاي إني نفس 

محمد:- ابوكي بيحكي عنك لما كنت بمر على العنابر يقولي تعالى يبني صلي معايا نفسي أصلي مع حد جماعة ويفضل يحكي عنك كتير 

نفس بفرحة خفيفة:- هو رجع يصلي زي زمان وبطل شرب 

محمد:- طول الوقت بيصلي دا تقريباً خلاني التزم في الصلاة على وقتها وخلى معظم أمناء الشرطة والشاويش والغافير كلهم ابتدوا صلى على أيده والسجن هنا مش بتوصل اي مواد مخدرة للعنابر يلا بقى وصلنا 

نفس دخلت العنبر وكان في راجل أكبر من أبوها بسنين لدرجة شعره أبيض قاعد في الزاوية وبيستغفر ودموعه على خده بحزن 

نفس دخلت وبصت لشكله اللي اتغير اوي ودموعها بتنزل زي المطر على خدها 

محمود بص ليها بدموع وهي بتقرب بحزر وخوف منه 

محمود شدها ليه وضمها لحضنه اوي وفضل يبكي بندم وفرحة :- نفس بنتي كنت عارف أنك هتيجي تشوفيني كنت عارف أنك حنينه زي مامتك ومستحيل تتخلي عني 

نفس طلعت من حضنه وبصت لدموعه قلبها وجعها اوي قعدت على رجله وفضلت تمسح ليه دموعه بصمت 

*الفتيات هن المؤنسات الغاليات

هن الحنان عندما تقسو الحياة*

وهنا حبيت أفسر معنى ناقصات عقل ودين 

ناقصات عقل يعني بتغلب مشاعرهم وقلبهم على عقلهم في المواقف دي وناقصات دين لأن ربنا عفاهم من بعض العبادات في أيام معينه وهي أيام العادة الشهرية 

محمود:- اتكلمي ي نفس عايز أسمع صوتك اللي انحرمت منه 

نفس بهمس وهي بتمسح دموعه بأيدها الصغيرين:- بلاش تعيط ي بابا عشان أنا كمان هعيط زيك 

محمود:- سمحيني ي نفس سمحيني ي بنتي أنا مكنتش حاسس بنفسي أنا بحبها وبحبك اوي وبحب خالد أنا دمرتكم كلكم سامحيني بالله عليكي كفاية عليا الخوف من عقاب ربنا وبعدكم عني وتأنيب الضمير والوحدة كفاية عليا كل دا بلاش تكوني أنت حمل عليا ي بنتي 

نفس مش قادرة تلوم أو تعاتب تعبانه اوي نفسها ترتاح حتى لو كان التمن أنها تسامح اللي قتل مامتها 

كان بيبكي وحاضنها وهو فاكر مراته لما كان يشكي ليها الوجع والتعب وهموم الدنيا بس يفيد ايه الندم بعد فوات الأوان صوت بكى عالي :- اااااه ي بنتي نفسي أرجع بالزمن مكنتش بعدت عنكم يوم انهاردة أنا اللي محتاجكم 

نفس:- أنت بقيت تصلي صح ربنا ممكن يسامحك بس عيب راجل كبير قد الباب يبكي ولا أجيب الضابط الرطاط دا يصدعك هنا 

محمد دموعه نزلت على المشهد بس أبتسم وبانت غمزاته على كلام نفس “قلبي الصغير لا يتحمل وكمان بغمزات🥰 احم⁦☺️⁩ ” 

محمود:- هو أنتي عايشة مع خالد وهو بقى يشتغل ويصرف عليكي 

نفس:- معرفش عنه حاجة أنا عايشة مع الناس اللي ماما كانت شغاله عندهم قبل ما تموت 

محمود:- خلي بالك من نفسك كبرتي ي نفس 

نفس:- عندي احداشر سنة خمسة وخمسة وواحد وبتشاور بأيديها

محمد:- وأنا عندي خمسة وعشرين سنة عشرة وعشرة وسبع وبيقلد نفس 

“هههههههه 😂🤣دمه خفيف اوي كمان” 

نفس:- أنت ايه دخلك بين وحده وباباها أنت هتأخد علينا ولا ايه 

محمد:- بت لمي لسانك دا بدل ما أقصه ليكي ويلا قبل ما حد يجي واترفد فيها

“شخصية قوية 🥰” 

نفس بدموع:- بالله عليك سبني معاه حبه صغيرين بس

محمد قلبه رق “يحنين” :- طيب بسرعة خمس دقايق بس 

نفس نامت في حضن باباها وسكتت حاسه بأمان غريب أول مرة تحسه من وقت موت مامتها الأب سند محدش يعوض وجوده ونعمه ربنا ما يحرم حد منها:- هو أنا ليه مش حاسه بأمان غير هنا ي بابا ليه محتاجة وجودك معايا برغم كل حاجة كل ما أصلي بدعي ربنا يغفر ليك ويجمع عيلتنا في الجنة 

محمود دموعه بتنزل زي المطر في عز الشتاء:- آسف ي حبيبتي أنا السبب أنت مسمحاني ي نفس على اللي عملته 

نفس:- مش عارفه ي بابا ومش عايزه أعرف بس عايزة أنام هنا كتييييير عايزة أرتاح من الكوابيس والخوف عايزة أرجع زي الأول سالي قالتلي لما نسامح هنرتاح بس تفكر ممكن أرتاح في يوم 

محمود بيبكي بصمت ونفس مش عايزة تقوم محمد بيبكي لأول مرة في حياته عمره ما بكى كدا 

نفس:- هو ممكن تخرج من هنا 

محمود:- لا ما عدا لو حصلت كارثة أو وباء زي كورونا وخرجوا كل اللي في السجون

نفس:- لا خليك ي بابا مش هندمر العالم يعني عشان أنت تخرج 

محمود أبتسم:- وحشني كلامك الدبش ي بت 

نفس:- بابا أنا شفت ماما في الحلم وحكيت ليها وكانت مبسوطة وشفت معاها سالي اللي عرفتها في الحلم واكتشفت أنها في الحقيقة وهي جابتني ليك 

محمود:- بجد أنتي مبسوطة ي نفس حياتك مستقره حد بيزعلك 

محمد:- يلا ي نفس كفاية كدا

نفس:- مش ناقصني غير وجودكم ي بابا يلا سلام العصر أذن

محمود بص ليها بترجي:- هتيجي تاني ي نفس 

نفس:- كل ما اتعب والدنيا تضيق بيا هاجي لحضنك أرتاح شوية 

محمود:- وأنا محتاجك كمان تعالي عشان خاطري بلاش تمنعي نفسك عني كتير

نفس:- أن شاء الله هحاول بس مش هقول لحد إني باجي هنا 

نفس قامت بصعوبة وكأنها بتفقد روحها للمرة التانية عيونها عليه وهو بيبكي بحسرة وهي بتبعد مع محمد وبتبص ليه وقبل ما يتقفل الباب جريت تاني ونامت في حضنه وفضلت تبكي وتترعش بخوف:- مـ متسبنيش ي بابا خاليك معايا أنا عايزه أفضل هنا 

محمود بيكي:- نفس بنتي حبيبتي خلي بالك من نفسك أنتي قوية بلاش زعل يلا ي حبيبتي 

بعد شوية نفس هديت وبصت لباباها 

نفس:- أنا لو قتلت حد هاجي هنا 

محمد:- احم لا ي نفس هتتعدمي مش هتيجي هنا 

نفس:- طيب أعمل ايه عشان اجي 

محمد:- اعملي زيارة في الوقت اللي يعجبك وهاتي سالي معاكي ها 

*نعم معناه ايه الكلام دا وأنا اه قلبي* 

نفس:- عيب ي محترم غض بصر 

محمد:- احم طيب يلا وفي الوقت اللي تحبي تعالي وأنا ادخلك وكمان لو اتصلتي بيا في أي وقت أجي اخدك من مكان ما تحبي 

نفس:- شكراً ي حضرت الضابط 

،،،،،،،،،،،،،،سمر إبراهيم “إبتسامة عابثة يعني بتبتسم وهي بتبكي وحزينة ايه رأيكم أغير عابرة واخيها عابثة 

الفانز:- واحنا مالنا بطلي لوكلوك وكملي الرواية

أنا:- احم حاضر هسكت خالص اهو🤐

سالي:- يلا ي بنتي اتاخرنا على صلاة العصر 

نفس بهدوء:- يلا بينا 

محمد:- ع المدينة قرص مطبق ما يكفينا 

نفس وسالي بصو ليه بغيظ 

محمد:- احم براحة ي صبايا بمزح معكم شو ما بتعرفو المزح 

سالي:- كفارة يختي أخرتها دخلتينا قسام 

محمد:- آنسه سالي لحظة 

سالي:- نعم في حاجة كمان ي أخ أسمك ايه

محمد:- خدي الجنية جيبي مصاصة بيه 

سالي:- خلي ليك هات به بالستر سد بقك دا “وجريت الجبانه” 

محمد:- ي بت امسكها ي شاويش هههههههه اوعدنا ي رب هي في جمال طبيعي كدا أبو جمال عيونك ي شيخة الوحد عنده جفاف عاطفي من أم دي شغلانه دي قد عيالك ي محمد ايه دا هو أنا أصلا عندي عيال هههههههه 

“اه قلبي ي خاين😟 وأنا اللي بمدح فيك من أول ما ظهرت طب وربنا ما أنت واخدها هه بس” 

نفس وسالي خرجوا منتصرين بس خايفين لشاويش يلحقهم صلوا العصر في أقرب مسجد للنساء وخرجوا

سال:- المنطقة دي شكلها مقطوع وأنا خايفة من بتوع التكسي 

نفس كانت متصلة على مصطفى يجي يخدهم قبل الصلاة

مصطفى:- هاي يا مزه تسمحلي أخدك لفه حول العالم بسيارتي المتواضعة الفيراري لامبورجيني

نفس بتحلل كلامه في عقلها فيراري لمبورجيني ليه اتنين في وأحد 

سالي ردت ببلطجة:- نعم أنت بـ تعاكسني ياض 

نفس:- دا …….

سالي:- أسكني أنتي لسه صغيرة مش فاهمة حاجة وأنت يا أخ عايز ايه أبعد كدا من هنا بدل ما ولربنا أصوت الم عليك أمة لا إله إلا الله 

نفس:- بس يا سالي بتعملي ايه أهدي شوية 

شوية شباب خارجين من المسجد في حاجة ي آنسه الأخ بيدايقك 

سالي بدموع:- ايوه عمال يعاكس فينا ويقول كلام أستغفر الله العظيم يا رب 

الشباب اتلموا على مصطفى ولما طلع من تحتهم بعد وقت طويل منك لله يا نفس أنا غلطان إني جاي أوصلك 

بينما سالي ونفس واقفين يتناقشوا عادي خالص 

نفس:- على فكره يا سالي دا جاي ياخدني وهو قريبي وكان بـ يعاكسني أنا هزار مش صح وصح بس يستاهل قولت ليه متهزرش معيا كدا هو مش بيسمع الكلام 

سالي:- اوبس بجد أنا فكرته بيعاكس لأني ديماً يحصل معايا كدا ولما بسكت ليه يزيد فيها اوي 

نفس:- طيب البسي نقاب ليه كدا لحد دلوقتي مش لبساه أنتي ١٦ سنه كبيرة اهو 

سالي دمعت:- نفسي اوي بس الدكتورة قالت مينفعش لسبب طبي لبسته يومين عيوني وجعتني اوي 

“اللهم أكرم كل مشتاقة للنقاب وحنن قلوب كل أب وأم رافض أو رافضه تلبسه لبنتها وأنت ي أخت منك ليها اللي لسه بتفكروا غيركم بيموت ويلبسه ومحدش يقول مبالغة وأن سالي عندها ١٦ سنه صغيرة في ناس أصغر منها ولبساه العفة لا تعرف كبير ولا صغير والنقاب مجرد قماشه خفيفه على وشك مش إعدام ولا حاجة صعبه في ناس بتحط كيلو مكياج وهو خف الريشة 

نفس بتواسيها ومصطفى خلص ضرب قصدي خلصوا عليه والبنات بيحكوا مع بعض 

مصطفى:- وربنا ي جماعة الخير دي قريبتي وجاي أخدها ي نفس 

نفس:- خلاص اسفين ي شباب تبعناكم معانا 

أحد الشباب:- يلا ي أخ تعيش وتأخد غيرها دي أخرة المشي مع الستات 

مصطفى:- ممكن تتفضلي قدامي وإلا قسمًا بالله أخلص فيكي “وكمل بصويت” اه يا مصطفى يا صغير على الشقى ي حبيبي 

نفس:- خلصت ولولوله يلا ممكن توصل الآنسة معانا لأن المواصلات هنا مش عامة وهي بتخاف تركب لوحدها 

مصطفى:- مين دي على جثتي لا طبعاً مستحيل 

سالي:- شكراً يا كابتن كلك رجولة وشهامة كنت عارفه أنك مش ممكن تسيبني هنا خطر عليا برضو يلا يا نفس نركب بسرعة قبل ما يغير رأيه 😁 وجريت على العربية 

مصطفى أبتسم وهو بيشوفها بتركب العربية وقال:- مجنونة بس قمر هو دا طبيعي دي حتى من غير مكياج بس صغيرة اوي هههههههه 

ومشي يعرج لحد العربية 

“اتنين في يوم واحد ي بت الايه دا أنتي حظك جولاش باللحمة المفرومة” 

سالي ركبت العربية ومصطفى عيونه عليها في المرايا مش عارف يركز في الطريق وسالي مضايقة من نظرته وعيونها لتحت طول الطريق وبتستغفر ربنا في سرها 

نفس:- بص قدامك يا مصطفى ركز على الطريق ي بابا بلاش محن الله يسترك 

مصطفى:- ما أنا مركز اهو أنتي مركزة ليه اوي كدا معايا 

الكل:- حااااااسب 

مصطفى بعد عن العربية التانية بصعوبة 

نفس:- حرام عليك ي أخي كنت هتموتنا وأنت مركز في البت كنت هتموت على معصية ي محترم 

مصطفى:- دي أخر مرة تتصلي بيا أوصلك مفهوم 

نفس بعد ما سالي قالتها توقف:- حلال عليك العلقة وربنا تستاهل وقف هنا الشارع دا بتاعها 

مصطفى:- عادي ندخل الشارع نوصلها لباب البيت ميصحش برضو الأصول والشهامة بتقول نوصلها لباب البيت وأنا أبو الشهامة 

سالي في نفسها:- دا أنت كنت هتوصلني للقبر روح ي شيخ منك لله 

نفس:- لا هي بتنزل هنا ي شهم 

مصطفى:-. أنتي المتحدث الرسمي بتاعها 

نفس بصوت البلطجية وصبرها نفذ:- مصطفى 

مصطفى:- حاضر يا جعفر حاضر ايه دا 🙄

نفس مشيت هي ومصطفي ودخلت اوضة الجيم فضلت تدرب على كل الآلات لحد ما قعدت من التعب ونامت بتبص للسقف وفضلت تفكر في اللي حصل هي مش مسامحة بس محتاجه وجوده 

محتاجة ليه وهو ربنا يحاسبه على اللي عمله بس هي محتاجة للأمان اللي حسته في حضنه محتاجة تشوف ندمه وخوفه من ربه عشان تطمن قلبها أن ربنا ممكن يسامحه فضلت تفكر كتير وقرارها كان أنها تريح نفسها من التفكير والقلق وقررت تزوره كل شهر مرة من غير ما حد يعرف بس ي تراي ليه دا اللي هنعرفه بعدين 

الكاميرا بتجيب نفس وهي بتكبر وملامحها تتغير وهي بتلعب كل الرياضات سنة ورى سنة لحد ما نفس دخلت تالته ثانوي وبقى عنها ١٧ سنه ونص ومحدش ينسى النص بقت شابة زي القمر كلها أنوثة وجمال مخبيها نقابها عن عيون الرجال وبس كدا نوقف هنا ي عيال


Warning: Invalid argument supplied for foreach() in /home/judjlkid/storeeve.com/wp-content/themes/newsplus/singular-content.php on line 29

قد يهمك أيضاً :-

  1. تردد سحري واحد لتنزيل جميع قنوات النايل سات 2021 تردد جديد لجميع القنوات الجديدة
  2. المسلسل غير القصة الجانبية نفسها الحلقة 9 .. مواعيد عرضها وتردد القناة التي تبثها | شعب مصر
  3. بث مباشر "الزمالك ضد انبي" على تردد قناة اون تايم سبورت 26 أكتوبر 2021. بجودة HD.
  4. مباراة "ناو" بين الزمالك وانبي حصريا على تردد قناة اون تايم سبورت 2021 بجودة عالية على نايل سات.
  5. تردد قناة زي ألوان الجديدة 2021 عبر النايل سات وعرب سيت .. ضبطها الآن | شعب مصر
  6. نصائح لمطبخك .. لحفظ العدس ومنع تعفنه _ حواء
  7. كعكة التمر اللذيذة بمكونات مغذية ومفيدة لأطفالك - علمني _ حواء

التعليقات

اترك رد