التخطي إلى المحتوى

  رواية غرام وانتقام  الفصل الحادي عشر بقلم  أميرة جمال

كل واحد بقا يدور على مصلحته

تقصدى ايه يارزان

يعنى نجوى هانم بنفسها راحت عند نغم

بتراقبينى ولاايه

لا طبعا ياهانم العصفورة قالتلى بس

اه وقالتلك ايه كمان

قالتلى كتير بس احب اسمع من حضرتك

طيب يارزان عموما لو آدم ماعملش اللى عايزه فلوسي وشغلى كله كان هيتدمر

وادم بقى يمشى كلامه دلوقتى

طبعا بعد مااخد ميراثه وميراث الزفته ملاك

ايه امتى حصل ده

قبل مايسيب البيت كان مرتب كل حاجه

اه ده بقا يخطط بقا ويلعب على كبير

بالظبط علشان كده بقا كان لازم اخده على قد عقله

اه وانا بقا مش مهم كده اقول لبابا على اللى بيحصل ويلغى الشغل معاه

رزان ياحبيبتى باباكى هو اللى محتاج آدم مش العكس يعنى مش هيلغى شغله علشانك ولا علشان اى حد

ما شاء الله بقيتى مع نغم ياطنط

لا طبعا انا ابقى مع الجربوعه دى

امال كلامك ده معناه ايه

معناه هو خلاص هيتجوزها خلاص خليه يجيبها هنا فى البيت واحنا بقا نطفشها ياحبيبتى

اممم وايه يضمنلى انك هتقفى معايا

علشان انا فعلا مش طيقاها ومش عايزه واحده بالمستوى ده تعيش معانا ده انا برستيجى يضيع

تمام والعروسه جايه امتى بقا

وحياتك ولااعرف مااهتمتش اصلا انا روحتلها بالعافيه

تمام”وهم بيتكلموا آدم دخل”

اهلا بالعريس

اهلا يارزان طبعا انتى مش محتاجه عزومه

ايه قلة الذوق دى

بصي بقا احترمى نفسك وده اللى عندى بعد اللى قولتيه على نغم فى الشركه رغم انه ماضرش لان نغم مستحيل كانت هتوافق تتجوزنى وتاخدنى من بيتى رغم انى كنت ملكها من الأول وانتى اللى اخدتينى منها وغصب كمان فكان خير لينا اللى حصل شوفتى بقا تدابير ربنا حاولت تفضيحها وتلبسيها تهمه من غير ذنب ربنا غير لعبتك واتقلبت عليكى وعموما لو عايزه تطلقى براحتك هتاخدى كل حقوقك دى حاجه ترجعلك

لا ياادم مش هطلق واسيبك ليها ابدا

تمام اللى يريحك ده بيتك برضو

والفرح امتى ياعريس

كمان أسبوع بس النهارده فيه واحد هيظبط ديكور الاوضه اللى فوق

نعم عايز تاخد اوضتى

لا طبعا انا هجيبلها اوضه جديده وهغير ديكورها والاوض كتير فى الفيلا يعنى والفستان هييجى من باريس بكره ان شاء الله

والفرح فين

هنا

نععععم!!

اه فى حديقه الفيلا كبيره واقدر اعزم الناس كلها

كمان هتعزم كتيير

ايوه طبعا ده فرح آدم الاسيوطى أكبر رجل أعمال فى مصر لازم الناس كلها تعرف

اممم وفرح رجل الأعمال على نغم السكرتيره

لا نغم حبيبتى وحياتى كلها اللى لو حد ضايقها هنسفه يلا عن إذنك بقا علشان اشوف مهندس الديكور

اتفضل يا ياعريس

شايفه ابنك ياطنط

سيبيه يفرحله يومين خليه يجيبها

ان ماوريتك يانغم ماابقاش انا رزان بنت مصطفى المنفلوطي

اهدى وماتتسرعيش

(بعد مرور أسبوع يوم الفرح )

اللهم بارك القمر ده بقا ملكى

ربنا يخليك ليا ياادم

ويخليكى ليا ياحبيبتى يلا ننزل للمعازيم بقا

هتكسف

من ايه ياحبيبى ده انتى احلى من القمر

الناس كتيير اووى

هو جوزك اى حد ولاايه

لا طبعا جوزى احسن حد فى الدنيا

يبقا تجيبى ايدك الحلوه دى كده وننزل بثقه ولا يهمنا اى حد

حاضر يلا

بقولك ايه ماتخلينا هنا فى اوضتنا وسيبك من الناس

ههههههه لا يلا ننزل

دلوقتى يلا ننزل

اه

هتندمى

لا يلا بقا

حاضر أمرى لله يعنى هتروحى منى فين

نغم وآدم قعدوا والموسيقى شغاله وناس كتير فرحانه اكترهم ندى اقرب واحده لنغم وكل اللى فى الشركه علشان افتراء رزان على نغم ولأنهم بيكرهوا رزان بسبب أسلوبها ومعاملتها المتكبره معاهم ورزان بتبص لنغم بتوعد وكانت لابسه شيك جدا وهى حاضره الفرح واكتر حاجه كانت مضيقاها جمال نغم وهدوء ملامحها وبراءتها ونظرات آدم اللى كلها حب ليها ..استغلت ان آدم بيسلم على رجال أعمال ومشغول معاهم راحت عند نغم سلمت عليها ووعدتها انها مش هترحمها

وهتبدأ حرب جديده بين رزان ونغم

قد يهمك أيضاً :-

  1. رواية اخوات زوجتي الفصل السادس عشر 16 بقلم مني عبدالعزيز
  2. رواية اخوات زوجتي الفصل الخامس عشر 15 بقلم مني عبدالعزيز
  3. رواية اخوات زوجتي الفصل السابع عشر 17 بقلم مني عبدالعزيز
  4. رواية ندم عاشق الفصل الرابع عشر 14 بقلم سلمى عماد
  5. رواية ندم عاشق الفصل الخامس عشر 15 بقلم سلمى عماد
  6. رواية ندم عاشق الفصل الحادي عشر 11 بقلم سلمى عماد
  7. رواية ندم عاشق الفصل التاسع 9 بقلم سلمى عماد

التعليقات

اترك رد