التخطي إلى المحتوى

       رواية  قلب لا يقبل الهزيمة الفصل  الثاني عشر بقلم دودو محمد

وصل سليم ومعه رضوى إلى الشركه وصعدوا إلى المكاتب الخاصه بيهم دخل سليم وجلس على المقعد الخاص بى وسمع صوت طرق على الباب اذن له بالدخول واتفتح الباب ودخلت رانيا نظر لها سليم بعصبيه وقال

سليم:- انتى ايه اللى جابك هنا

رانيا:- ايه جايه شركة جوزى مش احنا واحد يا سوسو

سليم:- نهض واتجه لها بعصبيه وامسكها من شعرها وقال بلاش شغل الاستفزاز بتاعك ده جايه ليه

رانيا:- بألم ما قولتلك جايه شركة جوزى انا مراتك وليا حق زى زيها بالظبط

سليم:- انتى متقرنيش نفسك بيها اش جاب لجاب يا رانيا انا مش عارف كان مخى فين لما حبيتك واتجوزتك صحيح كنت واحد غبى وحمار

رانيا:- يا سلام دلوقتى كنت غبى وحمار نسيت لما كنت هتموت عليا وبتجرى ورايا فى كل حته وبعدين مين دى اللى اقارن نفسى بيها بقى اتا هقارن نفسى بواحده جربوعه زى دى

سليم:- لمى لسانك واطلعى بره ومش عايز اشوف وشك هنا تانى فاهمه

رانيا:- جلست على الاريكه ووضعت قدم فوق الاخره وقالت لاء يا حبيبى انا مش هتحرك من هنا ده حقى طول ما انا مراتك وكمان اعمل حسابك انا هاجى اعيش معاك فى الفيلا لما تطلقنى وتدفع المؤخر ابقى اسيب الفيلا والشركه

سليم :- مسك ذراعها وضغط عليه ووقفها وقال قولتلك بلاش اسلوب الاستفزاز ده معايا علشان انا ماسك اعصابى عليكى بالعافيه ولو شيطانك وزك وفكرتى تقربى من الفيلا متلوميش غير نفسك يا رانيا

رانيا:- بألم ااااه دراعى سيب دراعى يا حيوان

سليم:- انتى لسه شوفتى حاجه منى يا رانيا انا كل ده بطبطب عليكى يا حلوه خدى نفسك ومشوفش وشك هنا تانى فاهمه وترك ذراعها ونظر لها بقرف

رانيا:- مسكت ذراعها بألم وقالت ماشى يا سليم مبقاش انا لو مكنتش اندمك على كل ده وخرجت تركض

سليم:- زفر بضيق وقال كان عقلى فين بس ازاى مشوفتهاش على حقيقتها ازاى

&&&&&&&&&&&&&&&&&&&&&&&&&&&&

فى غرفة مكتب رضوى

جلست على المقعد الخاص بها ومسكت الهاتف الخاص بها واجرت اتصال وانتظرت الرد وقالت

رضوى:- السلام عليكم عامل ايه يا جدى

سويلم:- وعليكم السلام ورحمة الله وبركاته مين معايا

رضوى:- انا رضوى يا جدى واحشتنى

سويلم:- رضوى يا بنتى عامله ايه

رضوى:- الحمدالله كويسه

سويلم:- وسليم عامل معاكى ايه

رضوى:- ها ك. ك. كويس الحمدالله المهم كنت عايز اطلب منك طلب

سويلم:- اطلبى يا بنتى عايزه ايه

رضوى:- احم ك. ك. كنت عايزه خمسه مليون

سويلم:- بصدمه كام

رضوى:- خمسه مليون

سويلم:- ليه المبلغ ده كله يا رضوى

رضوى:- ها ا. ا. اصل شركة سليم عليها ديون كتير و. و. وانا قولت ان فلوسى هى فلوسه واساعده وادفع الديون دى يا جدى

سويلم:- بس المبلغ كبير اوى يا بنتى وانتى عارفه ان صعب تتوفر سيوله بالمبلغ ده كله

رضوى:- لالالا يا جدى ارجوك اتصرف فيهم بأى طريقه شركة سليم معرضه انها تتباع بسبب الديون دى

سويلم:- والله يا بنتى مش عارف اقولك ايه

رضوى:- قولى انك هتبعتهم يا جدى ارجوك

سويلم:- تنهد وقال بصى اصبرى عليا شهر ولا حاجه علشان اوفر المبلغ ده

رضوى:- يا لهوى يا جدى شهر بحاله كتير

سويلم:- اللى اقدر اعمله الفلوس كلها فى السوق وهاخد وقت كبير على ما اجمع المبلغ ده ليكم

رضوى:- تنهدت وقالت حاول يا جدى توفره فى اسرع وقت

سويلم:- ربنا يسهل اصيله يا بنتى شبه امك ربنا يحميكى ويحرسك يا حبيبتى

رضوى:- ويخليك لينا يا جدى مع السلامه واغلقت الهاتف وزفرت بضيق ونهضت واتجهت إلى الباب وخرجت وذهبت عند غرفة مكتب سليم وطرقت الباب وفتحته ودخلت

سليم:- رضوى فيه حاجه

رضوى:- بضيق كلمة جدى على الفلوس بس قالى مفيش سيوله متوفره بالمبلغ ده بس هيحاول يجهزوا لينا خلال شهر

سليم:- بقلق جدى عرف حاجه

رضوى:- لاء قولتله ان الشركه عليها ديون كتير ومحتاجين المبلغ ده ليها

سليم:- تنهد بأرتياح وقال طيب كويس انه معرفش بس فيه مشكله تانيه

رضوى:- بقلق ايه هى

سليم:- رانيا مصممه تيجى تعيش فى الفيلا عندنا

رضوى:- نعم يا اخويا وتيجى تعيش فى الفيلا بصيفتها ايه

سليم:- مراتى

رضوى:- نظرت له بأستغراب

سليم:- احم اقصد اقول هى يعنى اللى بتقول كده عايزه تيجى تعيش فى الفيلا طول ما هى مراتى لحد ما اطلقها وادفع المؤخر

رضوى:- والله انت حر بقى انا هعمل اللى عليا علشان نخلص من ام الموضوع ده وطلقنى بقى

سليم:- ها ا.ا.اطلقك

رضوى:- اه يا منحنح تطلقنى مش ده اتفقنا ولا نسيت

سليم:- ل.ل.لاء منستش ب.ب.بس يعنى

رضوى:- ولا بس ولا مش بس اول ما جدى يجيب الفلوس وتدفع المؤخر لزفته دى وتخلص منها تطلقنى علطول اتفقنا

سليم:- ربنا يسهل

رضوى:- هيسهل ان شاءالله وتركته وخرجت

سليم:- نظر لها وتنهد واكمل عمله

&&&&&&&&&&&&&&&&&&&&&&&&&&&

بالقاهره…….فيلا هشام

دخل احمد ومعه اسماء إلى الحديقه وجلسوا على المقاعد و نظر لها احمد بغيظ وقال

احمد:- فيه ايه بقى يا ست حلويات عاملتى للواد ايه

اسماء:- مفيش معملتش ليه حاجه

احمد:- هتتعدلى معايا وتتكلمى بما يرضى الله ولا اعمل معاكى الجلاشه وتتكلمى برضه بما يرضى الله

اسماء:- وانت مالك بتدخل فى اللى ملكش فيه ليه دى حياتى الشخصيه انا حره فيها حد بيعرف عن حياتك حاجه انت والست نسرين بتاعتك دى

احمد:- اسماء من امته وانتى بتتكلمى معايا كده ازاى مليش دعوه انتى اختى ومسؤوله منى واى حاجه تزعلك تزعلنى ومصلحتك تهمنى يا اسماء

اسماء:- وقفت بعصبيه وقالت احنا مش اخوات يا احمد احنا ولاد عم ومحدش بيهمه مصلحة حد ومش محتاجه مساعده منك وبلاش تعيش معايا دور الاخ الكبير علشان مش لايق عليك

احمد:- نظر لها بأستغراب وقال طيب اهدى يا اسماء انتى ايه اللى وصلك للحاله دى

اسماء:- جلست على المقعد ونظرت له بدموع وقالت انت السبب اللى وصلنى لكده يا احمد اطلع من حياتى بقى

احمد:- نظر لها بصدمه وقال انا

اسماء:- بدموع ايوه انت انت عمرك ما كنت اخ بالنسبه ليا يا احمد طول عمرك كنت اكبر من كده بكتير

احمد:- بصدمه ايه اللى انتى بتقوليه ده يا اسماء

اسماء:- ايوه يا احمد هى دى الحقيقه وبسببك انت مش قادره احب اخوك ولا حتى احب غيره

احمد:- يا بنتى اعقلى ربنا يهديكى ايه الكلام اللى انتى بتقوليه ده اسماء انا احمد ابن عمك واخوكى وصديقك المقرب والاهم من كل ده انا اخو جوزك ازاى تفكرى كده اكيد انتى مش قادره تفهمى مشاعرك صح اكيد بتحبينى بس حب اخوى حب تعود لكن مستحيل يكون حب تانى انا هفضل احب اسماء اختى وصحبتى المقربه وبنت عمى ومرات اخويا لان الحب اللى فى قلبى التانى عمره ما هيكون ليكى لان انا بحب نسرين مراتى ولو حتى مكنتش بحبها عمرى ما هفكر فيكى انتى بالذات فؤقى يا اسماء وانتبهى لجوزك وبلاش تضيعه من ايدك رحيم بيحبك من زمان اوى ويستحق انك تحبيه بجد من قلبك علشان لو خسرتيه هتندمى عليه لان رحيم قلبه طيب اوى ومفيش منه اتنين فى الدنيا دى ومش علشان اخويا بس اى بنت تتمنى راجل زيه انتبهى لحياتك يا اسماء علشان متندميش فى وقت مينفعش فيه الندم

اسماء:- يا احمد انا مش عايزه حاجه من الدنيا دى غيرك انت انا بحبك ومش قادره اشوفك مع غيرى انا خلاص هطلق من رحيم وانت طلق نسرين ونتجوز انا وانت

احمد:- نظر لها بصدمه وقام بصفعها على وجهها وقال اخرسى ايه اللى انتى بتقوليه ده انتى اكيد اتجننتى يا اسماء ازاى بتفكرى كده مستحيل ده يحصل انتى اختى وعمرى ما فكرت فيكى غير كده افهمى بقى انتى مرات اخويا انتى فاهمه معنى كلامك ده ايه انتى كده خاينه يا اسماء وبتطلبى منى اخون اخويا انتى ازاى بالبشاعه دى ازاى

اسماء:- نظرت له والدموع تنهمر من عيناها وقالت احمد

احمد:- مقاطعآ لها اسمعينى يا اسماء انا هعتبر نفسى مسمعتش الهبل اللى انتى قولتيه ده كله وهتفضلى اسماء اختى اللى بحبها وبحترمها وانتى هتشوفى حياتك مع جوزك اللى بيحبك ومبيحبش حد فى الدنيا دى قدك فؤقى قبل ما كل حاجه تروح من ايديك يا اسماء عن اذنك هروح اشوف مراتى زمانها نزلت من فوق وذهب وتركها

اسماء:- نظرت له بوجع والدموع انهمرت من عيناها

منال:- عملتى اللى فى دماغك برضه يا بنت بطنى لييييه تعملى كده كسبتى ايه دلوقتى ولا حاجه يا اسماء بعد اعترافك بحبك لاحمد مبقاش ينفع وجودك هنا جهزى نفسك علشان راجعين البلد بليل

اسماء:- بدموع نرجع البلد

منال:- منك لله يا بنتى ضيعتى جوهره من ايديك هتندمى عمرك كله عليها وذهبت وتركتها

اسماء:- ركضت إلى غرفتها والقت جسدها على السرير وظلت تبكى

&&&&&&&&&&&&&&&&&&&&&&&&&&&

انتهى اليوم ونزلت رضوى مع سليم وصعدوا السياره واتجهوا على الفيلا وبعد وقت وصلوا المنزل ونزلوا من السياره واتجهوا إلى الداخل واول ما دلفوا إلى الداخل اتصدموا من وجود رانيا اتعصب سليم وقال

سليم:- انتى بتعملى ايه هنا

رانيا:- جايه بيت جوزى ايه فيها ايه دى

سليم:- اتجه إليها ومسك ذراعها ودفعها بقوه وقال انا مش قولتلك مش عايز اشوف وشك تانى

رانيا:- بألم اااه سيب دراعى

رضوى:- امسكت يده وابعدته عن رانيا وقالت اهدا يا سليم بس

رانيا:- انتى مالك بتدخلى فى اللى ملكيش فيه ليه واحد ومراته انتى مالك يا بارده

رضوى:- تصدقى بقى انك تستاهلى ضرب الجزم انا غلطانه ايكش يولع فيكى بجاز وسخ

سليم:- ملكيش دعوه بيها يا رضوى دى واحده زباله متستاهلش انك تدافعى عنها

رضوى:- انا مش عايزاك توسخ ايدك بأشكال زى دى

رانيا:- اشكال زى دى شوف مين بيتكلم، بقى انتى يا جربوعه مش عجبك شكلى انا طيب هاتى اى راجل واسأليه انا ولا انتى كلهم هيختارونى انا

رضوى:-والله متعودش اكون سلعه رخيصه للرجاله دى حاجه انتى اللى متعوده عليها يا روحى وبعدين اكيد يعنى الرجاله هتختارك انتى اصل الزباله بيبقى عليها الدبان كتير انما الحاجه المحفوظه كويس واحد بس اللى بيستفاد بيها يا حبيبتى

سليم:- اهى قالتلك علشان انتى سهله ورخيصه الكل بيجرى عليكى انما علشان هى شريفه بجد ومحافظه على نفسها واحد بس اللى وصل ليها وبقت من حظه ونصيبه وانا فرحان انها بقت مراتى ومن نصيبى

رانيا:- نظرت لهم بغيظ وقالت اشبع بيها انا كل اللى يهمنى المؤخر وبس و بعد كده فى ستين داهيه انت وهى

سليم:- رخيصه و ماديه اطلعى بره وفى اقرب وقت ورقتك والمؤخر هيكونوا عندك

رانيا:- انا مش هتحرك من هنا غير وانا معايا فلوسى وورقتى

اشرف:- من حقها

سليم:- بابا انت هنا من امته

اشرف:- قولى لجوزك يا رضوى ياخد مراته فى الاوضه اللى فوق

سليم:-بس يا بابا

اشرف:- قولى جوزك ينفذ الكلام اللى قولته

رضوى:- تنهدت بحزن وقالت اسمع كلام ابوك يا سليم

سليم:- نظر لرضوى وتنهد بحزن ونظر لرانيا بأشمئزاز وقال انتى اللى اختارتى استحملى بقى امشى قدامى

رانيا:- نظرت له نظرت انتصار وصعدت امامه إلى الاعلى

رضوى:- نظرت لعمها بتوتر وجلست على الاريكه ونظرت للاعلى بقلق

اشرف:- جلس بجوارها وقال متقلقيش يا حبيبتى هو مش هيقرب ليها

رضوى:- وانا مالى يقرب منها ولا ميقربش هو ومراته حرين

اشرف:- ما انتى مراته برضه ومن حقك تغيرى عليه

رضوى:- بتريقه اغير عليه؟ عمى انا لسه مصممه على رأى انا هطلق منه بس لما يخلص من موضوع رانيا ده

اشرف:- يا بنتى انا عارف ان سليم غلط بس هو

رضوى:- قطعت حديثه وقالت يا عمى انا موضوع رانيا ده ميشغلنيش احنا من الاول متفقين على الطلاق ومفيش حاجه هتخلينى اغير رأى

اشرف:- تنهد وقال دماغك ناشفه زى جدك ومهما حصل بتصميمى على اللى فى دماغك

رضوى:- ابتسمت له ونهضت من على الاريكه وقالت انا طالعه اوضى عن اذنك وتركته وصعدت إلى الاعلى وفتحت باب الغرفه وجدت سليم نظرت له بأستغراب وقالت انت هنا من امته

سليم:- من ساعة ما طلعت من تحت

رضوى:- طيب ورانيا

سليم:- فى الاوضه اللى هناك شاورت ليها عليها ودخلت انا على هنا

رضوى:- انا بحسب هتقعد معاها فى الاوضه

سليم:- وقف واتجه إليها ونظر لها وقال انا مستحيل اقرب منها تانى مهما حصل انا فتحت خلاص يا رضوى وشوفت كل حاجه على حقيقتها شوفت الغالى من الرخيص

رضوى:- ابتعدت عنه وقالت طيب كويس ربنا ينور بصيرتك دايمآ

سليم:- عارفه انا بحمد ربنا انك ظهرتى فى حياتى لانك انتى النور اللى نور طريقى

رضوى:- يا عم بلاش الكلام الكبير ده انا لا نور ولا ضلمه انا واحده اتغصبت على جوازه من ابن عمها اتجوزته وهتطلق منه فى اقرب وقت بس هى دى كل الحكايه

سليم:- انتى ليه بتحاولى تقللى من نفسك

رضوى:- لا عاش ولا كان اللى يقلل منى بس كل الحكايه انك بتقول كلام ماسخ ولا ليه معنى عن اذنك وتركته وذهبت المرحاض

سليم:- نظر لها وتنهد وجلس على السرير ينتظر خروجها

&&&&&&&&&&&&&&&&&&&&&&&&&&&&

فى غرفة جاسر

دخل جاسر غرفته وجد مى نائمه جلس بجوارها على السرير وقال

جاسر:- مى يا مى

مى:- امممم

جاسر:- اكلتى

مى:- لاء مليش نفس

جاسر:- كده برضه يا مى انا مش موصيكى تاكلى كويس

مى:- اعمل ايه بس يا حبيبى نفسى بتغم عليا كل ما اشم ريحة الاكل وادخل ارجع

جاسر:- بس انتى لازم تاكلى علشان اللى فى بطنك ده

مى:- يوووووه بقى انت كل اللى يهمك اللى فى بطنى وبس كرهتنى فيه من قبل ما يجى يا جاسر

جاسر:- انتى عبيطى يا مى انا بحبه وفرحان علشان هيبقى عندى حته منك

مى:- انا بقيت احس ان انا مبقتش مهمه عندك كل اللى يهمك اللى فى بطنى وبس كلى كويس علشان اللى فى بطنك متتحركيش علشان اللى فى بطنك متنزليش الشغل علشان اللى فى بطنك

جاسر:- شكل الحمل جننك وربنا ووقف وقال انا بكره هروح اجيب امك هى هتعرف تعقلك يا مى وتركها وذهب المرحاض

مى:- نظرت لها وزفرت بضيق وقالت هو ده بس اللى فالح فيه عاملى حبس انفرادى علشان اللى فى بطنى لما اشوف اخرتها معاك ايه

جاسر:- خرج من المرحاض ونظر لها وقال هنزل اجيب الاكل وهطلع علشان ناكل مع بعض ماشى

مى:- نظرت الاتجاه الاخر ولم تجيب عليه

جاسر:- لاااا انتى اتجننتى رسمى اقسم بالله ونظر لها بغيظ وخرج من الغرفه

مى:- بغيظ اللهى تتخبط فى صوبعك الصغير يا جاسر وصمتت لحظه وقالت لالالا بعد الشر عليه ونهضت وذهبت المرحاض

&&&&&&&&&&&&&&&&&&&&&&&&&&&&

بالقاهره……..فيلا هشام

غرفة احمد

دخل احمد غرفته وجد نسرين تجلس على الاريكه ذهب وجلس بجوارها ووضع ذراعه على كتفها وقبل وجينتها وقال

احمد:- واحشتينى

نسرين:- ابتسمت له بتوتر وقالت و.و.وانت كمان

احمد:- بأستغراب مالك يا نسرين

نسرين:- ها م.م.مفيش يا حبيبى

احمد:- هو ايه اللى مفيش اتكلمى يا نسرين مالك

نسرين:- ه.ه.هو انت واسماء كنتوا بتقولوا ايه فى الجنينه

احمد:- وانتى مالك انا وبنت عمى كنا بنتكلم مع بعض كلمتين عايزه تعرفيهم ليه

نسرين:- ها ا.ا.اصل سمعت انها زعلانه هى ورحيم

احمد:- برضه انتى مالك ايه دخلك انتى بالموضوع

نسرين:- وقفت وقالت بصوت مرتفع بصراحه بقى انا مش برتاح لنظراتها ليك وطريقة كلامها معاك وكان شكلك غريب الصبح وانت خارج من الجنينه من عندها وانا مراتك ومن حقى اعرف كل حاجه

احمد:- بعصبيه صوتك ميعلاش عليا يا نسرين

نسرين:- انا مقصدش اعلى صوتى عليك بس انا بحبك وبغير عليك منها لان انا ست وافهم الست اللى زى وهى شكلها بيقول ان فيه فى قلبها حاجه ليك

احمد:- انتى شكلك اتجننتى يا نسرين اسماء اختى وبنت عمى ومرات اخويا وهى بتعتبرنى برضه اخوها مش اكتر وانتى عارفه ان انا واسماء طول عمرنا اخوات واصحاب كمان بلاش الشيطان يلعب فى دماغك علشان مفيش حاجه من دى خالص دى بنت خالك بتغيرى من بنت خالك يا مجنونه

نسرين:- اه اغير من بنت خالى لما احس ان عينيها من جوزى حبيبى

احمد:- يا متخلفه دى اختى ومرات اخوياااااااا فكك من الجنان ده بقى وتركها وذهب المرحاض

نسرين:- تنهدت وقالت مرات اخوك بس عينيها منك انت يا احمد وبكره تقول نسرين كان عندها حق وصادقه فى احساسها

احمد:- اغلق باب المرحاض وتنهد بتوتر وقال ليه يا اسماء توصلى نفسك لمرحلة الشك من الكل ليه

&&&&&&&&&&&&&&&&&&&&&&&&&&&&

فى غرفة رحيم

دخل رحيم الغرفه وجد اسماء مجهزه حقيبة الملابس الخاصه بيها وجالسه على السرير وتبكى نظر لها وتركها وقام بتبديل ملابسه نظرت له اسماء بدموع وقالت

اسماء:- رحيم انا راجعه البلد

رحيم:- اه عرفت من مرات عمى مع الف سلامه وورقتك هتوصلك فى اقرب وقت

اسماء:- ذهبت له وقالت رحيم انا بحترمك جدآ، انت بجد شهم وراجل قد كلمتك وعمرى ما هنسى اليومين اللى عيشتهم معاك

رحيم:- شكرآ على المجامله

اسماء:- والله مش بجاملك وانا قولتلك الكلام ده كذا مره

رحيم:- عمومآ شكرآ تقدرى تمشى امك مستنياكى تحت

اسماء:- تنهدت وقالت مع السلامه يا ابن عمى وتركته وذهبت واغلقت الباب خلفها

رحيم:- نظر إلى الباب والدموع انهمرت من عينه وقال هتوحشينى اوى يا اسماء اوى كان نفسى نعيش العمر كله مع بعض بس مش مكتوب لقلبى الفرحه يارب قوينى على فراقها ووضع رأسه على الوساده الخاصه بأسماء واستنشق رائحتها وظل يبكى بألم وحرقه

&&&&&&&&&&&&&&&&&&&&&&&&&&&&

بالاسكندريه…….فيلا اشرف

نزلت رضوى وسليم إلى الاسفل وجلسوا امام طاولة الطعام ونزلت رانيا وجلست بجوار سليم الجنب الاخر نظرت لهم رضوى ونهضت

سليم:- مسك يدها وقال رايحه فين يا رضوى

رضوى:- هقعد على الكرسى اللى هناك ده

سليم:- ليه هتسيبى مكانك

رضوى:- كده اريح ليا وسحبت يدها وذهبت جلست على مقعد اخر

سليم:- نظر لرانيا بقرف ووقف وذهب وراء رضوى وجلس على المقعد المجاور لها

رضوى:- نظرت له وقالت جيت هنا ليه

سليم:- اخد انك تبقى جمبى ولما بتبعدى مش بعرف اكل

رضوى:- والله

سليم:- ضغط على قدميها بقدمه

رضوى:- ااااه

اشرف:- مالك يا بنتى

رضوى:- ها م.م.مفيش يا عمى ونظرت بغيظ لسليم

رانيا:- نظرت لهم بغيظ واكملت طعمها

وبعد وقت انهوا طعامهم ونهض سليم وقال

سليم:- يلا يا رضوى نطلع اوضتنا

رضوى:- لسه باكل

سليم:- يا حبيبتى بألف هنا وشفا

رضوى:- بصوت منخفض حبك بورص يا بعيد

رانيا:-لوكل اوى

سليم:- بس عجبانى

اشرف:- كل واحد يطلع اوضه

سليم:- يلا يا رضوى

رضوى:- نبرة فيها اهو هقوم من على الاكل يلا يا اخويا ونهضت واتجهت إلى الاعلى ودخلت الغرفه ودلف وراءها سليم ونظر لها بغيظ وقال

سليم:- انتى غبيه عمال ادوس على رجلك علشان تفهمى وتمثلى اننا بنحب بعض قدامها علشان تتغاظ وتغور فى ستين داهيه وانتى ولا هنا

رضوى:- وحياة امك ما تولع انت وهى هتقرفوني ليه بقى امته اخلص من ام الموال الاسود ده

سليم:- رانيا لو شمت خبر ان جوازنا على الورق هتمسك فيا اكتر ومش هعرف اخلص منها مش حب فيا بس هيكون طمع

رضوى:- ولسه عارف دلوقتى ان هى طماعه ما هو بالعقل هتحب فيك ايه يا حسره

سليم:- مش ملاحظه ان لسانك رجع يطول عليا تانى

رضوى:- وايه الجديد ما انا من ساعة ما جيت هنا وانا لسانى طويل عليك

سليم:- اقترب منها وقال وايه رأيك لو اقطعهولك

رضوى:- رجعت للخلف وقالت متقدرش فكر بس وانا اكسرك دراعك

سليم:- اقترب منها وقال قد كلامك ده

رضوى:- رجعت للخلف وقالت اه قده لو مكنتش قده مكنتش قولته يا خفيف

سليم:- نظر للخلف وابتسم بمكر واقترب منها

رضوى:- رجعت للخلف وسقطت على السرير

سليم:- سقط فوقها ونظر فى عيناها

رضوى:- اتوترت وقالت ا.ا.اوعى يا سليم خلينى اقوم

سليم:- اقترب منها اكثر وقرب اصابع يده من شفتيها واقترب منهم اكثر واغلق عينه وقبل ان يقبلها

رضوى:- غيرت اتجاه وجهها للاتجاه الاخر واغلقت عينها وقالت لو سمحت ابعد عنى

سليم:- ملس بيده على شعرها وقال رضوى

رضوى:- دفعته من فوقها وقامت وقفت وقالت بعصبيه انا مش هسمح ليك بأى تجاوزات فاهم

سليم:- تجاوزات ايه يا رضوى انتى مراتى ومش عيب ولا حرام ان المسك

رضوى:- ايآ كان انت ايه مش مسموح ليك تلمسنى انت فتره مؤقته فى حياتى وهتنتهى قريب اوى وانا مش هقبل بأى لمسه منك فاهم وذهبت إلى الاريكه ونامت عليها

سليم:- تنهد وجلس بجوارها وقال رضوى انا اسف

رضوى:- خلاص يا سليم تصبح على خير

سليم:- طيب قومى نقعد مع بعض شويه انا مش جاي ليا نوم

رضوى:- لاء انا تعبانه وعايزه انام

سليم:- تنهد وقال ماشى ونهض ونظر لها نظره مطوله وخرج من الغرفه

رضوى:- نظرت إلى الباب بحزن وتنهدت بوجع وقامت جلست على الاريكه

سليم:- خرج من الغرفه وقبل ان ينزل الدرج سمع صوت رانيا تقول له

رانيا:- رايح فين يا حبيبى

سليم:- زفر بضيق وتركها ونزل إلى الاسفل

رانيا:- نزلت خلفه ووقفت امامه وحركت يدها على وجه وقالت بذمتك مش واحشاك وغمزت له

سليم:- بعدم اهتمام قال لاء

رانيا:- احاطت رقبته بذراعيها واقتربت منه اكثر وقالت بس انت بقى واحشتنى اوى وواحشنى كل حاجه فيك واقتربت من شفتاه وقبلته

سليم:- دفعها وابتعد عنها وقال ابعدى عنى انا ملك واحده بس انا ملك رضوى يا رانيا

رانيا:- طب وانا ما انا مراتك برضه.

سليم:- انتى كنتى مجرد وقت حلو بقضيه مش اكتر

رانيا:- بس ده مكانش كلامك ليا من الاول قبل ما تدخل بنت عمك حياتنا

سليم:- كنت اعمى مش شايف الحقيقه قدامى كنت مفكرك بنى ادمه زينا طلعتى شيطانه كل اللى يهمك الفلوس وبس

رانيا:- اقتربت منه وقالت انا بحبك يا سليم اه الاول كنت مجرد صفقه بالنسبالى لكن قلبى عاملها وحبك

سليم:- اه ما واضح بأمارة ما انتى رافعه شكوه فى المحكمه علشان المؤخر

رانيا:- من غيرتى عليك من بنت عمك عملت كده كنت عايزه اقرص ودنك وارجعك ليا

سليم:- نظر الاتجاه الاخر ولما يجيب عليها

رانيا:- اقتربت اكثر له وقالت بحبك اوى يا سليم واقتربت من شفتاه وقبلته

سليم:- اغلق عينه بتوتر وبعد لحظات ابتعد عنها ورجع للخلف واتفاجئ وقال

قد يهمك أيضاً :-

  1. رواية قلوب مفتوره الفصل الثاني 2 بقلم سلمى عماد
  2. رواية قلوب مفتوره الفصل الثالث 3 بقلم سلمى عماد
  3. تحديث تردد قناة بانوراما فود 2021 عبر القمر الصناعي نايل سات - اقرأ نيوز بلس
  4. رواية اخوات زوجتي الفصل السادس عشر 16 بقلم مني عبدالعزيز
  5. رواية اخوات زوجتي الفصل الخامس عشر 15 بقلم مني عبدالعزيز
  6. رواية اخوات زوجتي الفصل السابع عشر 17 بقلم مني عبدالعزيز
  7. رواية ندم عاشق الفصل الرابع عشر 14 بقلم سلمى عماد

التعليقات

اترك رد