التخطي إلى المحتوى

       رواية  قلب لا يقبل الهزيمة الفصل العاشر بقلم دودو محمد

بالقاهره…….

دلف الاربعه إلى داخل المطعم وجلسوا الاربعه على المقاعد الخاصه بيهم ليحضر النادل إليهم ويبدأوا يقولوا له ما يريدون من الطعام وذهب النادل ليحضر لهم ما طلبوا منه نظر أحمد إلى نسرين ونهض من مقعده ووقف أمامها ومد يده إليها طلب منها أن تشاركه الرقصه نظرت له بخجل ومدت إليه يدها ووضعتها بيده ونهضت معه واتجهوا إلى المكان المخصص لرقص ووضع يده حاوله خصرها نظرت له بخجل وبدء احمد بالحديث قائلا

أحمد :- حطى ايديك على كتفى يا نسرين

نسرين :- رفعت يدها ووضعتها على كتفه لتبدء تتحرك معه على انغام الموسيقه نظر لها احمد بحب قائلا

احمد :- بحبك

نسرين :- نظرت له بحب وقالت وانا بعشقك انا اسفه يا احمد سامحنى على كل حاجه عملتها ليك وزعلتك بيها منى

احمد :- انا نسيت كل حاجه من ساعتها يا نسرين

نسرين :- يعنى مش زعلان منى

احمد :- فيه حد يزعل من عمره

نسرين :- بتسأل، عمرك

احمد :- أجابها بحب وقال اه عمرى واكتر كمان انتى اغلى شئ فى حياتى يا نونه

نسرين :- تنهدت بحب وقالت ربنا يخليك ليا وميحرمنيش منك يا احلى واجمل ما فى حياتى وضعت رأسها على صدره قائله بحبك يا احمد بموت فيك

احمد :- اقترب من جبينها وقبلها و اكملوا رقص

اسماء :- كانت تتابع احمد ونسرين ونيران مشتعله بداخلها

رحيم :- نظر إلى أسماء وجدها تنظر إلى احمد ونسرين نهض وطلب منها أن ترقص معه

اسماء :- نظرت له قائله برفض لاء مش عايزه يا رحيم

رحيم :- بترجى علشان خاطرى قومى نرقص

اسماء :- تنهدت بضيق ونهضت معه وذهبت بجانب احمد ونسرين وبدأوا الرقص

رحيم :- وهو يرمقها بنظرات حب قال اسماء كنت عايز اعترفلك بحاجه

اسماء :- كانت تنظر إلى احمد ونسرين ولم تسمع حديث رحيم لها

رحيم :- متسائلا اسماء انتى معايا

اسماء :- منتبه لحديث رحيم قائله ها ا.ا.ايوه معاك

رحيم :- كنت بكلمك بس شكلك مأخديش بالك من الكلام

اسماء :- ها ك.ك.كنت بتقول ايه

رحيم :- لاء خلاص متخديش فى بالك

اسماء :- هو انت ليه مش عايز تعرفنى بحبيبتك يا رحيم

رحيم :- وانتى مالك مهتمه بيها اوى كده

اسماء :- اصل الصراحه ماما مش مصدقه انك بتحب واحده تانيه ومصممه انك بتحبنى انا

رحيم :- ها ه.ه.هو انتى قولتلها

اسماء :- ايوه بس مقولتش ليها كل حاجه انا قولتلها انك بتحب واحده تانيه غيرى

رحيم :- وليه عملتى كده يا اسماء

اسماء :- علشان هى مصممه انك انت بتحبنى انا وأنها متأكده من كده كمان

رحيم :- رمقها بنظرة الم وتركها ودلف إلى الخارج

اسماء :- نظرة له بأستغراب وذهبت خلفه إلى الخارج وقالت فيه ايه يا رحيم

رحيم :- رمقها نظره مطوله ثم تحدث بعصبيه وقال انتى ايه يا شيخه جبله مش بتحسى اه قولتلك بحب واحده بس مشكتيش لو لحظه واحده أن اللى بحبها دى انتى يا اسماء

اسماء :- نظرت له بصدمه وعدم تصديق قائله انا

رحيم :- نظر لها نظره مطوله واردف ايوه بحبك انتى يا اسماء كان عندى امل انك تفهمى الكلام ده لوحدك تحسى مشاعرى من غير ما اقولك عليها الكلام اللى كنت بقوله ده كله كان ليكى انتى يا اسماء كان بيوصفك انتى فى عينى انا انتى حبيبتى يا اسماء

اسماء :- والدموع تتجمع فى عيناها نظرة له قائله ومن امته الكلام ده يا رحيم

رحيم :- تنهد تنهيده حاره وقال من زمان اوى يا اسماء انتى اول حب فى حياتى قلبى محبش غيرك ولا هيحب غيرك انتى يا اسماء

اسماء :- تسمرت مكانها وصمتت ثوانى معدودة لتنظر له لتتأكد ان ما سمعته حقيقى وليس تهيأت لتتحدث بتلعثم و.و وليه مقولتلش الكلام ده من الاول

رحيم :- موضحآ لها ، خوفت اقولك الكلام ده تبعدى عنى وتسبينى

اسماء :- استدارت الاتجاه الآخر لتصمت قليلا ثم تتحدث بس للاسف انا مش بحبك يا رحيم

رحيم :- تجمعت الدموع فى عيناه ونظر لها قائلا عارف يا اسماء بس بلاش تبعدى عنى وتسبينى

اسماء :- استدارت له ونظرت إليه لترى الدموع فى عينه وقالت يا رحيم افهمنى انت بالذات مينفعش تحبنى

رحيم :-بتسأل ليه يا اسماء

اسماء :-اغلقت عيناها وقالت ارجوك يا رحيم بلاش تسألنى على السبب

رحيم :- تنهد وقال مش هسألك يا اسماء بس ادينى فرصه اثبت ليكى حبى يمكن اقدر اخليكى تحبينى

اسماء:- تنهدت بألم وقالت انت طيب اوى يا رحيم وراجل بجد ومليون واحده غيرى تستاهلك لكن انا مستهلش حبك ده يا رحيم وصمتت وقت و اردفت قائله طلقنى يا رحيم

رحيم:- لالالا يا اسماء ارجوكى متعمليش فيا كده انا مش عايز حد غيرك انا بحبك انتى يا اسماء انا عايزك انتى وبس

اسماء:- ابوس ايدك كفايه اللى انت بتعمله ده متصعبهاش عليا ارجوك

احمد :- وقف ينظر لهم قائلا بدعابه اتنين ليمون وشجره هنا لو سمحتوا يا جماعه فيه جوز عصافير كنارى هنا

اسماء :- مسحت دموعها سريعآ ونظرت له

رحيم :- نظر له بغيظ وقال جاى ورانا ليه يا غلس

احمد :- اجاب قائلا اعمل ايه خلصنا رقص وببص حاوليا ملاقتش حد فيكم قلقت عليكم وطلعت ادور عليكم لاقيت حضراتكم هنا وعاملين جو رومانسى

اسماء :-تنهدت بحزن ونظرت إلى رحيم

رحيم :- نظر إلى اسماء بحزن وتنهد وقال لم لسانك ده اللى عايز قطعه وارجع انت ومراتك تانى جوه

احمد :- بتسأل طيب وانتوا

رحيم :- اجابه انت مالك ملكش دعوه يا اخى

احمد :- بدعابه الله يسهلوا يا عم

رحيم :- ملكش فيه ومسك يد اسماء وقال تعالى يلا يا اسماء

اسماء :- بتلعثم ف.ف.فين

رحيم :- هنروح الفيلا

اسماء :- لاء خلينا نقضى باقى اليوم

احمد :- يا بت اسمعى الكلام وروحى مع جوزك ومش هتخسرى صدقينى

اسماء :- ل ل لاء مش هروح واطلع انت منها

احمد :- بقى كده يا بنت عمى اه من لاقى أحبابه نسى أصحابه قلبى وشعر صدرى مش مسامحينك يا اسماء يا بنت ام اسماء

اسماء :-ابتسمت له بحزن وقالت يعنى انت اللى منستش اصحابك لما لاقيت أحبابك وإشارات بعيناها اتجاه نسرين

احمد :- اااه منك انتى يا سوسه محدش يعرف يغلبك أبدآ فى الكلام

نسرين :- طيب احنا هنوقف نتكلم هنا كتير يا نروح يا ندخل جوه

احمد :- وضع ذراعه حول رقبة نسرين قائلا يا خراشى يا ناس على الولا العاقل ده بؤقك بينزل سكر يا قلبى

نسرين :- ابتسمت له بخجل ونظرة إلى الأرض

رحيم :- انت يا ابنى اهدا شويه امشوا يلا

احمد :- وهو يقهقه قال طيب طيب متزقش ودلفوا جميعآ إلى الداخل

&&&&&&&&&&&&&&&&&&&&&&

بالاسكندريه……فى شقة رانيا

وصل سليم إلى مسكن رانيا ليقرع الجرس عدة مرات ولم تفتح له اطرق الباب بقبضت يده قائلا

سليم :- افتحى يا رانيا بدل ما اكسر عليكى الباب افتحى الباب بقولك

رانيا :- فتحت الباب وهى ترتعد خوفآ لتنظر له قائلا انت عارف لو لمستنى هصرخ وألم عليك الناس

سليم :- تغلغلت أصابعه داخل شعر رأسها ومسك به بقوه قائلا ده انا هقتلك يا رانيا هعرفك ازاى تلعبى معايا مش انتى اللى بدأتى اللعب استحملى بقى ليتدخل جاسر ركضآ ويمسك سليم قائلا

جاسر :- أهدا يا سليم الأمور متتحلش بالطريقه دى

سليم :- وهو يحاول الإفلات من يد جاسر قال سبنى عليها يا جاسر انا هعرفها ازاى تعمل كده

رانيا :- وهى تمسك رأسها بألم قالت انت اللى بدأت اللعب معايا يا سليم مش انا ،لما روحت واتجوزت بنت عمك الجربوعه عليا ومن غير ما تقولى

سليم :- متجبيش سيرة مراتى على لسانك يا و*** دى اشرف منك مليون مره

رانيا :- اشبع بيها ما هو انت اخرتك واحده جربوعه زيها ولا عمرك كنت تحلم بواحده زي انا بس اللى نفسى حلوه وبصيت ليك يا معفن

سليم :- وهو يحاول الإفلات قال بعصبيه بصيتى لمين يا و*** انتى اصلا كنتى هتموتى عليا وعلى فلوسى نسيتى يا بت المصاريف اللى صرفتها عليكى دى كلها

جاسر :- وهو يمسك بأخيه قال كفايه فضايح بقى الناس كلها اتلمت على صوتكم

رانيا :- مش هسيبك يا سليم وهاخد منك حقوقى كلها وخليها تنفعك

سليم :- ورينى هتعملى ايه يا رانيا وشوفى هتعرفى تخدى منى مليم ازاى

رانيا :- قهقهت بصوت عالى وقالت بالمحكمه يا حبيبى حقوقى كلها هتوصلى وانا حاطه رجل على رجل

سليم :- بعصبيه سبنى عليها يا جاسر بقولك سبنى

جاسر :- حاول أن يمسك بيه جيدآ وقال اهدا يا سليم انت كده هضيع نفسك امشى معايا بس

سليم :-نظر لرانيا بتوعد وقال ماشى يا رانيا لسه اللعبه منتهتش وذهب مع أخيه إلى الخارج ونزل إلى الأسفل وقال بعصبيه والله لاندمها على كل ده يا جاسر

جاسر :- اهدا بس وامشى معايا يلا وهناك نفكر نعمل ايه

سليم :- نظر إلى الأعلى بتوعد ونزل رأسه مره آخر وقال انا هركب معاك اعصابى مش مستحمله اسوق العربيه

جاسر :- موافقآ على ما قاله سليم قائلا أنا لسه كنت هقولك كده اركب يلا وصعدوا الاثنين إلى سيارة جاسر وقاد جاسر السياره إلى المنزل الخاص بيهم مره آخره

&&&&&&&&&&&&&&&&&&&&&&&

فى فيلا اشرف

دلفت رضوى إلى غرفتها والقت جسدها على الفراش لتنظر إلى الأعلى بتفكير و تنهدت بتوتر وقامت جلست على السرير ومسكت هاتفها المحمول واجرت اتصالا وانتظرت الرد

منال :- عامله ايه يا بنتى

رضوى :- تنهدت بمرارة وقالت كويسه يا امى

منال :- بعدم تصديق صوتك بيقول غير كده يا بنتى

رضوى :- تنهدت وقالت انا بخير يا امى متقلقيش عليا المهم طمنينى عامله ايه

منال :- الحمدالله يا بنتى انا كويسه طول ما انتوا كويسين

رضوى :- تسألت بتوتر وأسماء عامله ايه مع جوزها

منال :- تنهدت وقالت بقلق بالغ كويسه

رضوى :-بقلق قالت فيه حاجه حصلت ولا ايه

منال :- اختك مش ناويه تجيبها لبر يا رضوى

رضوى :- فهمت ما تريد امها أن تقوله لها فقالت هى لسه احمد فى دماغها

منال :- تفاجئت بحديث رضوى لها فقالت انتى كنتى عارفه

رضوى :- اجابتها وقالت ايوه يا ماما

منال :- وليه مقولتيش ليا يا بنتى كنت عرفت اتصرف

رضوى :- انا قولت لما تتجوز رحيم هتحبه مع العشره وهتنسى حبها لاحمد

منال :- منستش يا رضوى ولسه بتفكر فيه وانا قاعده ليها لحد ما يتصلح حالها وتبطل تفكر فى اخو جوزها

رضوى :- ربنا يهديها وتنساه بقى

منال:- يارب يا بنتى طمنينى عليكى عامله ايه مع جوزك

رضوى :- الحمدالله يا امى سليم طلع راجل بجد

منال :- الحمدالله طمنتينى عليكى يا بنتى ربنا يسعدك يا بنتى ويرزقك الذريه الصالحه يارب

رضوى :- بأبتسامه ويخليكى لينا يا امى ابقى طمنينى على أسماء

منال :- أن شاءالله يا حبيبتى مع السلامه

رضوى :- مع السلامه وأغلقت الهاتف مع والدتها ووضعته بجانبها وقامت ذهبت إلى المرحاض لتبدء بخلع ملابسها وإلى ان انتهت وقفت أسفل صنبور الماء لتنزل فوقها الماء البارد أغلقت عيناه والدموع بدأت تنهمر من عيناها اسندت يدها على الحائط ونزلت رأسها إلى الاسفل وتذكرت ما فعله ابيها مع امها وتذكرت حياتها مع سليم تنهدت بوجع واغلقت الماء وارتدت البورنص الخاص بيها واغلقته جيدآ عليها ووضعت منشفه قطنيه فوق رأسها وفتحت الباب وخرجت من المرحاض لتتفاجئ بوجود سليم فى الغرفه جالسآ فوق السرير نظرت له قائله بتعلثم

رضوى :- س.س.سليم ا.ا انت هنا من امته

سليم :- نهض من فوق السرير واتجه إليها ووقف أمامها ونظر لها وقال من شويه

رضوى :-نظرت له بتوتر شديد ثم تنحنحت قائله ع.ع.عملت ايه معاها

سليم :- تنهد بضيق وقال ولا حاجه جاسر جه ورايا كنت ناوى اديها علقه انسيها فيها اسمها

رضوى :- فرغت فمها بصدمه قائله تضربها ايه اللى انت بتقوله ده يا سليم لاء طبعآ الأمور دى متتحلش بالطريقه دى خلى المحامى بتاعك يتواصل معاها و يحلها ودى

سليم :-تنهد بوجع وقال متوقعتش ان رانيا تعمل معايا انا كده وتحطنى قدام الامر الواقع قصاد اهلى

رضوى :- اكيد عملت كده بعد ما عرفت انك متجوزنى ياريتك مكنتش قولتلها

سليم :- رانيا كانت نويها من الصبح من قبل ما تعرف انك مراتى يا رضوى المحامى بتاعها اتصل بجاسر اخويا الصبح وطلب منه يقابله

رضوى :- تنهدت وقالت انا ممكن اروح اكلمها واصلح الامور ما بينكم

سليم :-لاء يا رضوى انا عمرى ما ارضى ان اخليكى تروحى لواحده زى دى علشان تتكلمى معاها عايزه الحقيقه انا مش مضايق علشان هموت عليها بالعكس عندى احساس بالراحه فى بعدها عنى بس اللى مزعلنى انها حطتنى قدام الامر الواقع قصاد اهلى

رضوى:- غريبه اللى يشوف كلامك دلوقتى ما يشوف كلامك واحنا فى الصعيد ساعة ما جدى قالك على الجواز

سليم:- ها م.م.ما انا اكتشفت رانيا على حقيقتها

رضوى:- عمومآ حاول تقعد معاها وتتكلموا بهدوء ولو هى مش حابه وجودى طلقنى وانا ارجع الصعيد

سليم:- بضيق رضوى بلاش كل شويه تجيبى سيرة الطلاق

رضوى:- ليه يا سليم مش دى الحقيقه اللى احنا متافقين عليها واهو عمى عرف كل حاجه اقعد تانى ليه

سليم:- علشان انا محتاجك جمبى

رضوى:- ها

سليم:- ا.ا.اقصد يعنى ان انا محتاجك توقفى جمبى اليومين الجاين قصاد عمك بابا بيحبك وبيسمع كلامك

رضوى:- تنهدت وقالت ماشى يا سليم هفضل جمبك لنهايه لحد ما يتحل موضوعك مع رانيا وبعد كده كل واحد يروح لحاله

سليم:- ا.ا.اه طبعآ

رضوى:- تركته ودخلت المرحاض بدلت ملابسها وخرجت جلست على الاريكه واخذت كتاب وبدأت تقرأ فيه

&&&&&&&&&&&&&&&&&&&&&&&

فى شقة منصور

دلفت رحاب إلى داخل الغرفه لتجد منصور يقف أمام المرأة ويمشط شعره وهو يطلق صفيرآ من بين شفتيه لتنظر له بأستغراب قائله

رحاب :- سبحان مغير الاحوال من حال الى حال ايه اللى حصل وغيرك بالشكل ده

منصور :- رايح عند اخويا اشرف وهقابل رضوى بنتى

رحاب :- بأستغراب هى اللى طلبت منك تروح ليها يعنى

منصور :- لاء انا رايح من نفسى وهخلى اخويا اشرف يقنعها أنها تسامحنى

رحاب:- انا فعلا زهقت من الموضوع ده يا منصور يارب بقى يتحل علشان ترجع لحياتك الطبيعيه

منصور :- اقترب منها ووضع قبله على وجينتها قائلا ادعيلى بقى يا حوبه ودلف خارج الغرفه وفتح باب الشقه ونزل إلى الأسفل وصعد سيارته وقادها إلى منزل اشرف

&&&&&&&&&&&&&&&&&&&&&&

بالقاهره……فيلا هشام

بعد قضاء وقت ممتع جدا للبعض ومحزن للبعض رجعوا الاربعه إلى الفيلا والقوا السلام لتنظر لهم صباح بسعاده قائله

صباح :- طمنونى استمتعوا بالعشا بره

نسرين :- بسعاده جدآ يا مرات خالى الاكل كان تحفه واليوم كان جميل

صباح :- ربنا يسعدكم يا حبيبتى

احمد :- ويخليكى لينا يا ست الكل

هشام :- وانتى يا اسماء

اسماء :- كان يوم حلو جدآ يا عمى

منال :- نظرت لابنتها وتنهدت بعدم أرتياح عندما نظرت فى عيناها

رحيم :- القاعده كانت نقصاكم والله ياريت كنتوا جيتوا معانا

صباح :- يا حبيبى احنا خلاص راحت علينا عيشوا انتوا حياتكم و متشغلوش بالكم بينا

نسرين :- راحت عليكم ايه بس يا مرات خالى ده اللى يشوفكم يقول عليكم أصغر مننا الله اكبر يعنى

الجميع ضحك على حديث نسرين لينظر هشام لهم قائلا

هشام :- لاء شكلها كده عجزت انا اروح اتجوز واحده صغيره تجدد ليا شبابى بقى

احمد :-بأبتسامه قال طيب ليه كده يا حاج انت كده لعبة فى عداد عمرك

صباح :- بثقه قالت ده كلام بس ده لو لف الدنيا دى كلها مش هيلاقى ضفرى

احمد :- يا واد يا واثق من نفسك انت يا جميل

هشام :- لاء فى دى هى عندها حق لو لفيت الدنيا كلها مش هلاقى ضفرها

رحيم :- بأبتسامه ايوه كده صلح يا حاج احنا عايزينك

هشام :- بأبتسامه قال انا ممكن انام على الكنبه بره لو مكنتش صلحت

احمد :- يا اختى يا اختى ايه اللى انت بتقوله ده بلاش تفتح عيون القطاقيط دول احسن ما يعملوها فينا احنا اودى وشى فين يا حكومه

الجميع قهقه على حديث احمد

منال :- ربنا يفرح قلوبكم يا ولاد يارب

رحيم :- اللهم امين

هشام :- يلا اطلعوا ناموا بقى علشان تعرفوا تصحوا لاشغلكم بدرى تصبحوا على خير

والاربعه صعدوا على الدرج إلى الأعلى ودلفوا داخل غرفهم

&&&&&&&&&&&&&&&&&&&&&&&

بالاسكندريه….فى فيلا اشرف

اراحت رضوى ظهرها على الأريكة لتنظر للأعلى بتفكير لتنادى على سليم قائله

رضوى :- سليم

سليم :- اممم

رضوى :- هو انت ازاى قدرت تكتب المبلغ ده كله فى المؤخر كانت دماغك فين ساعتها

سليم :- استدار لها وقال كنت اعمى ماشى وراها زى ما هى عايزه واى حاجه تطلبها مكنتش بقولها عليها لاء لدرجة أن الشركه بقى عليها ديون كتير اوى بسبب طلبتها اللى كانت مش بتنتهى أبدآ

رضوى :- لدرجاتى كنت بتحبها

سليم :- نهض وجلس على السرير وقال كنت مفكر نفسى بحبها

رضوى :- انا ممكن اساعدك تحل مشكلتك معاها

سليم :- نظر لها بأستغراب وقال بتسأل،ازاى

رضوى :- جلست ونظرت له وقالت هطلب من جدى يدينى جزء من نصيبى وندفع ليها المؤخر وطلقها

سليم :-نظر لها بحب وإعجاب وقال انتى جدعه اوى يا رضوى

رضوى :- اجابته بالنفى قائله الموضوع ده ملوش دعوه بالجدعنه يا سليم انت ابن عمى قبل اى حاجه بس المشكله فى رانيا اللى زى دى ممكن تأذيك مدام لاقيت مفيش منك منفعه

سليم :- تنهد بضيق وقال عارف ودى اكتر حاجه قرفانى من نفسى أن حبيت واحده بتجرى وراه الفلوس وبس ووقعت نفسى فى مشاكل كنت فى غنى عنها

رضوى :- اللى حصل حصل يا سليم المهم نحل المشكله دى بقى

سليم :- خلى فلوسك زى ما هى يا رضوى انا هبيع الشركه واسدد ليها المؤخر

رضوى :- نهضت من على الأريكة ونظرت له بصدمه وقالت انت اتجننت ازاى هتعمل كده اوعى يا سليم خلى شركتك زى ما هى وانا من بكره هكلم جدى

سليم :- نهض من فوق سريره ووقف أمامها وقال لاء يا رضوى متجبيش حاجه من جدى كفايه اللى ليكى عندى

رضوى :- بأستغراب ليا انا

سليم :- ايوه جدى بعت معايا فلوس ليكى علشان اشترى ليكى اللى انتى عايزاه بس للاسف انا اخدهم وكملت ليها على فلوس العربيه اللى هى كانت عايزاها سامحينى يا رضوى

رضوى :- تنهدت بضيق وقالت انا مش زعلانه علشان الفلوس انا زعلت علشان انت كنت اعمى لدرجة أنك خونة الامانه بسببها

سليم :- بضيق عارف يا رضوى أن انا واطى وندل وجبان

رضوى :- متقولش كده يا سليم، بص خلاص بلاش نفكر فى القديم خلينا نفكر هنعمل ايه فى موضوع المؤخر ده من غير ما تبيع الشركه

سليم :- ازاى بس انا مش معايا حتى ربع المبلغ ده غير الديون اللى على الشركه الحل الوحيد أن انا أبيعها

رضوى :- لاء يا سليم الشركه مش هتتباع انا هكلم جدى الصبح يبعت المبلغ بتاع المؤخر وديون الشركه احنا نشتغل شويه لحد ما نقدر نسددها

سليم :-نظر لها بأعجاب وقال انتى جدعه اوى وجميله يا رضوى واقترب منها واحتضن وجهها بين يديه وقال انا لو رجع بيا الزمن لوراه كنت غيرت حاجات كتير وفتحت عينى واختارت صح

رضوى :- ابتعدت عنه وقالت بتلعثم ا.ا.انا هنام بقى تصبح على وقبل أن تكمل كلامها سمعت صوت طرق على باب الغرفه لتنظر بأستغراب لسليم ويذهب سليم اتجاه الباب ويفتحه قائلا

سليم :- خير فيه ايه

جاسر :- خلى رضوى تنزل حالا تحت

سليم :- بأستغراب ليه فيه ايه

جاسر :- اقترب من أذنه ليقل له شيئآ ويبتعد عنه مره آخرى

سليم :- أومأ برأسه واغلق الباب ونظر لرضوى قائلا رضوى بابا عايزك تحت

رضوى:- تسألت بأستغراب وقالت عمى عايزنى انا ليه

سليم :-تعالى بس ننزل وهنعرف تحت

رضوى :- نظرت له وقالت حاضر وخرجوا الاثنين من الغرفه ونزلوا إلى الأسفل لتتفاجئ رضوى..

قد يهمك أيضاً :-

  1. رواية اخوات زوجتي الفصل السادس عشر 16 بقلم مني عبدالعزيز
  2. رواية اخوات زوجتي الفصل الخامس عشر 15 بقلم مني عبدالعزيز
  3. رواية اخوات زوجتي الفصل السابع عشر 17 بقلم مني عبدالعزيز
  4. رواية ندم عاشق الفصل الرابع عشر 14 بقلم سلمى عماد
  5. رواية ندم عاشق الفصل الخامس عشر 15 بقلم سلمى عماد
  6. رواية ندم عاشق الفصل الحادي عشر 11 بقلم سلمى عماد
  7. رواية ندم عاشق الفصل التاسع 9 بقلم سلمى عماد

التعليقات

اترك رد